Baş nazir İrakli Kobaxidze rus qanunu şərtlərində Gürcüstanın Avropa İttifaqına üzv olması ilə bağlı danışıqların açılmayacağını bildirən Almaniya səfiri Piter Fişeri “Lelo”nun dəstəkçisi adlandırır.
Əsas xəbərlər
“Almaniya səfiri “Lelo” ilə bölgədə seçkiqabağı kampaniyaya gedirdi. “Lelo”nun rəhbərləri ilə birlikdə Bolnisiyə getmişdi. Bu cür qeyri-ciddi hərəkətlər fonunda bu adamın bəyanatına o qədər də əhəmiyyət verə bilmərəm. Bu, çox təəsüfləndirici hadisədir.
Ənənəvi olaraq məsuliyyətli dövlət kimi fərqlənən Almaniya Gürcüstan kimi ölkəyə belə səfirlər göndərməməlidir.
Anti-Gürcüstan bəyanatları verən səfir bizim üçün dəyərli olmayacaq. Bu, anti-Gürcüstan bəyanatıdır və ümid edirəm ki, bu, “Lelo”nu dəstəkləyən səfirin şəxsi mövqeyidir”, - Kobaxidze jurnalistlərə bildirib.
Piter Fişer hesab edir ki, Gürcüstan Avropa yolundan yayınıb. Hələ Rusiya qanununun yekun qəbulundan əvvəl o, gözlənilən nəticələrdən danışırdı.
“Bu qanunla siz Avropa İttifaqına üzv ola bilməzsiniz, bu qanunla Avropa İttifaqı ilə üzvlük danışıqlarını aça bilməzsiniz. Çox sadədir: Aİ-yə daxil olmaq istəyirsinizsə, bizim hüquqi standartlara - norma və dəyərlərə cavab verməlisiniz. Bu qanun Avropa qanunvericiliyinə uyğun deyil. Bu bizim ilk mesajımızdır. İndi 10 namizəd ölkə var. “Gürcüstan onların arasında lider idi və indi faktiki olaraq sonuncu yerdədir”, - səfir mayın 29-da deyib.
Gürcüstan parlamenti mayın 28-də prezidentin “xarici agentlər” haqqında rus qanununa qoyduğu vetonu aşıb.
