Avropa İttifaqının Gürcüstandakı səfiri Pavel Herçinskii Gürcüstanın Avropaya inteqrasiya prosesindən danışarkən, siyasi liderləri islahatlara ciddi nəzər yetirməyə çağırıb.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
Gürcüstan və Qərbi Balkan ölkələrinin birinci parlamentlərarası konfransında çıxış edən diplomat qeyd edib ki, Gürcüstan Qərbi Balkan ölkələrinin təcrübəsindən çox şey öyrənə bilər.
“Gürcüstanın ötən ilin 12 prioritetinə və indiki 9 addımına gəlincə, parlamentin rolu həlledicidir. Mən Gürcüstanın bütün siyasi liderlərini bu islahatlara çox ciddi nəzər yetirməyə çağırıram.
Qərbi Balkan ölkələrinin təcrübəsindən demək olar ki, bu islahatlara bu cür yanaşan ölkələr kosmetik dəyişikliklər edənlərdən daha tez uğur qazanacaqlar. Səhv etməyin. Bu islahatlar transformativ olmalıdır. Unutmaq olmaz ki, 9 tövsiyə üzərində işləməkdən daha çox şey lazımdır”, - deyə səfir bildirib.
Pavel Herçinskinin sözlərinə görə, Avropa İttifaqının noyabrda Gürcüstanla bağlı dərc etdiyi hesabatda onun Avropa İttifaqının hüquqi bazasına (acquis) uyğunlaşdırılması üçün aydın addımlar müəyyən edilib.
“Aİ-nin bu tövsiyələri parlament, hökumət, müxalifət və vətəndaş cəmiyyətinin birgə fəaliyyətini tələb edir. Gürcüstan yaxın aylarda və illərdə nə edəcəyini bilmək istəyirsə, cavabların əksəriyyəti bu hesabatdadır. Çox vaxt tövsiyələr eyni olur: qanunu qəbul edin, lazımi inzibati strukturu yaradın, həmin inzibati strukturun kadr təminatına vaxt ayırın, potensialı gücləndirin və sonra mükəmməl tətbiq edin. Bir çox sahələr vaxt və pul tələb edir. Bu nöqteyi-nəzərdən, nə qədər tez başlasanız, bir o qədər asan olacaq və uğur qazanıb Aİ standartlarını tətbiq etməyə başlasanız, özəl sektor da daxil olmaqla investisiyaları cəlb edə biləcəksiniz. İnvestorlar Aİ qaydalarının tətbiqi və vahid bazara inteqrasiya ilə bağlı sabitliyi yüksək qiymətləndirirlər.
Gürcüstanın Aİ-yə üzvlük yolunu sürətləndirən və açıq şəkildə Qərbi Balkan ölkələrinin təcrübəsinə əsaslanan bir siyasi amili qeyd etməli olsaydım, bu, Aİ-yə üzvlüklə bağlı milli konsensusun inkişafı olardı.
Bütün siyasi qüvvələr siyasi fikir ayrılıqlarını bir kənara qoyub bu islahatları həyata keçirmək üçün birgə fəaliyyət göstərməlidirlər. Təcrübə bizə göstərir ki, siyasi konsensusun olmaması üzvlük prosesinə mane olur”, - səfir qeyd edib.
Pavel Herçinskinin sözlərinə görə, Avropa İttifaqının qapısı heç vaxt bu qədər açıq olmayıb və diqqəti qanunun aliliyi, demokratiya, əsas hüquqlar və məhkəmə müstəqilliyi kimi fundamental məsələlərə yönəltmək vacibdir.
