Marneuli bələdiyyəsinin Qırıxlı kəndində 22 və 17 yaşlı qardaşlar 54 yaşlı Şota Lorianı qrup halında qətlə yetirməkdə təqsirli bilinərək saxlanılıblar. Polis cinayətdə iştirak edən daha bir şəxsin yerini müəyyən etməyə çalışır.
Əsas xəbərlər
Oxucunun seçimi
- 1 Bu qanun nə Avropa, nə də Amerika qanunudur - Aİ səfiri rus qanunu barədə
- 2 Gürcüstan namizəd statusunadək olan vəziyyətə qayıda bilər - Avropa Parlamentinin deputatları
- 3 BMT Gürcüstanı rus qanunu geri götürməyə çağırır
- 4 Bidzina İvanişvilinin anti-qərb mesajları
- 5 “İvanişviliyə offşorlarda gizlədilən əmlakını ölkəyə gətirməyə icazə verilir”, - qanunda nə dəyişir
- 6 Siz [reaksiyamızı] gözləyə bilərsiniz - Dövlət Departamenti rus qanunu haqda
Qətl mayın 20-də baş verib. Hüquq-mühafizə orqanları istintaqa taksi sürücüsünün ailə üzvləri onun itkin düşməsi ilə bağlı polisə müraciət etdikdən sonra başlayıb.
Daxili İşlər Nazirliyinin məlumatına görə, istintaq zamanı müəyyən edilib ki, N.A., A.A. və onları müşaiyət edən daha bir şəxs taksi ilə Tbilisidən Marneuliyə gedərkən, nəqliyyat vasitəsini mənimsəmək və maddi fayda əldə etmək məqsədilə taksi sürücüsünü öldürməyə qəsd ediblər. Təqsirləndirilən şəxslər onun avtomobilini saxlayıb və bundan sonra onu öldürüblər.
“İzləri gizlətmək üçün öldürülən şəxsin cəsədi Kvemo Kartli bələdiyyəsindəki çaylardan birinin sahilində basdırıblar. Təqsirləndirilən şəxslər qanunsuz mənimsədikləri avtomobillə Marneuli bələdiyyəsindəki evinə və oradaca yerləşən öz avto-təmir sexlərinə gedərək izlərini gizlətmək məqsədilə sözügedən avtomobili hissələrə ayırmağa başlayıblar", - Daxili İşlər Nazirliyindən bildirilir.
Faktla bağlı Cinayət Məcəlləsinin 109-cu maddəsinin “i” bəndi, qrup halında qəsdən adam öldürmə maddəsi ilə istintaq aparılır. Cinayət 16 ildən 20 ilədək və ya ömürlük həbs cəzasını nəzərdə tutur.