Yeni xəbərlər

Rektorların konfransının bəyanatı mayın 14-də Gürcüstan Texniki Universitetinin saytında tələbələrin itaətsizliyi fonunda dərc olunub. Tezliklə məlum olub ki, Qafqaz Universitetinin biznes fakültəsinin dekanı vəzifəsindən azad edilib. İoseb Berikaşvili deyir ki, onu semestrin ortalarında yenidən təşkilatlanma bəhanəsi ilə işdən çıxarıblar, əsl səbəb isə “Bidzina İvanişviliyə söyüş söyməsi” və Dövlət Təhlükəsizlik Xidmətinin təzyiqi olub. Universitetin prezidenti Kaxa Şenqelia dekanın siyasi motivlərlə işdən çıxarılmasını təkzib edir.

Qafqaz Universitetinin qərarlarına ilk münasibət bildirənlərdən biri də jurnalist Niko Nerqadzedir. Onun sözlərinə görə, on ildən artıqdır ki, media məktəbində tələbələrə dərs deyir, bu semestr sonuncudur.

“Qafqaz Universitetinin rəhbərliyi son günlər mövqe tutub və bu, mənim onlarla münasibətimi davam etdirməyimi mümkünsüz edir. Əvvəlcə o, İqtisadiyyat fakültəsinin dekanı Soso Berikaşvilini siyasi motivlərlə işindən qovdu, sonra isə çoxlu sayda tələbə və mühazirəçinin ruhuna qarşı çıxan bəyanatı imzaladı”, - Niko Nerqadze sosial şəbəkədə yazır.

“Qafqaz Universitetinin rektorunun mövqeyi mənim üçün qətiyyən qəbuledilməzdir. Buna görə də mən bu müəssisəni və ən əziz tələbələri tərk edirəm”, - filoloq Levan Berdzenişvili bildirib.

“16 il Qafqaz Universitetinin Media Məktəbində dəvət olunmuş mühazirəçi olmuşam. Bu gün mən bu universiteti tərk etmək qərarına gəldim.

Tələbələr yüksək demokratik dəyərlər pozulduğu üçün itaətsizlik elan edirlərsə, bu etiraz haqlıdır. Xüsusən də bu dəyərlər hökumət tərəfindən məhv edilirsə.

Bu cür etiraz təhsil prosesinə xələl gətirmir, təhsil prosesinin tərkib hissəsidir və tələbə olmağın vətəndaş pafosunu gücləndirir.

Tələbələrin etirazına hökumətin təkəbbürü səbəb olub.

Tələbələr yaxşı başa düşürlər ki, “Xarici Agentlər Qanunu” onların sərbəst və peşəkar inkişaf perspektivlərini məhdudlaşdıracaq. Təəssüf ki, 38 universitetin rektoru bunu anlamır.

Semestrin sonuna kimi bu gün itaətsizlik edən tələbələr qarşısında öhdəliyimi mütləq yerinə yetirəcəyəm. O vaxta qədər onlarla birgə mübarizə aparacağam və inanıram ki, biz sonda rus qanununun sonunu gətirməyə müvəffəq olacağıq”, - deyə Zviad Koridze yazıb.

“Universitetlərin bir hissəsinin yaydığı bəyanatla, həm də işçinin siyasi motivlərlə işdən çıxarılması ilə ifadə olunan universitetin tutduğu mövqe inandığım hər şeyə və tələbələrimə öyrətdiklərimə ziddir. Bu vəziyyətdə mən Qafqaz Universiteti ilə əməkdaşlığı dayandırıram”, - 2009-cu ildən Qafqaz Universiteti ilə əməkdaşlıq edən Nino Robakidze deyir.

“Mən də insanların siyasi motivlərlə təqib edildiyi universitetdə qala bilmərəm. Həmçinin tələbə etirazı ilə bağlı universitet rəhbərliyinin mövqeyi mənim üçün tamamilə qəbuledilməzdir”, - deyə jurnalist Davit Çumburidze bildirib.

Media məktəbinin digər mühazirəçiləri - Levan Mosiaşvili, Salome Uqulava və Davit Kaşiaşvili də universiteti tərk ediblər.

“Mən Qafqaz Universitetində Gürcüstanın tarixindən, Rusiya-Gürcüstan əlaqələrindən dərs deyirdim, lakin, indi Rustavelidə yazılır, artıq tələbələrim orada dayanıblar. Bu, mənim üçün də sonuncu semestrdir”, - Gürcüstan Respublika Partiyasının yaradıcılarından biri Davit Berdzenişvili də Qafqaz Universitetini tərk edən müəllimlər sırasındadır.

Mamuka Andğuladze deyir ki, Qafqaz Universitetində budəfəki semestr onun sonuncu semestridir: “Bütün ölkə qürurlu, müstəqil və azadlıqsevər tələbələrlə birlikdə rus qanununa etiraz etdiyi halda, Qafqaz Universitetinin mövqeyi mənim üçün tamamilə qəbuledilməzdir. Bu vəziyyətdə tələbələrlə ayrılmaq nə qədər çətin olsa da, mən artıq bu universitetdə müəllim olaraq qala bilmirəm. Buna görə də Qafqaz Universiteti ilə əməkdaşlığı dayandırıram”.

Amerika Birləşmiş Ştatlarında olan Kaxa Şenqelia mühazirəçilərin bu açıqlamalarına cavab verməyib. İdarə Heyətinin üzvlərindən biri Nino Jijilaşvili izah edib ki, Qafqaz Universitetinin rektorlar konfransının bəyanatında imzası idarə heyətinin təsdiqi olmadan olub. Jijilaşvilinin sözlərinə görə, idarəetmə şurası yekdilliklə imzanı geri götürmək qərarına gəlib.

Texniki Universitetin saytında dərc olunan bəyanatı imzalayanların sayı hələ də 38-dir ki, Qafqaz Universiteti də onların sırasındadır.