Almaniya hakimiyyəti Zelimxan Xanqoşvilinin qətlində təqsirli bilinərək ömürlük həbs cəzasına məhkum edilmiş Vadim Krasikovun Rusiyaya təhvil verilməsi məsələsini ailə ilə müzakirə etməyib. Bu barədə “Deutsche Welle”yə Xanqoşvilinin dul həyat yoldaşı Manana Tsatiyeva məlumat verib. Bu qərar onun üçün anlaşılmazdır.
Əsas xəbərlər
Onların belə bir şey edəcəklərini ağlıma belə gətirə bilməzdim”, - Tsatiyeva bildirib. Onun sözlərinə görə, Krasikova hökm çıxarılandan dərhal sonra Moskvanın onun dəyişdirilməsi ilə bağlı danışıqlar aparmağa çalışdığı barədə xəbərlər yayılıb.
“Sonra vəkillər bizi sakitləşdirdilər, dedilər ki, bu, mümkün deyil: əgər insan ömürlük həbs cəzasına məhkum edilirsə, o, heç olmasa, bu ölkədə müddətinin yarısını çəkməlidir. Belə çıxır ki, siyasi səbəblərdən istənilən qanuna məhəl qoymamaq olar”, - Xanqoşvilinin dul həyat yoldaşı bildirib.
Manana Tsatiyevanın fikrincə, Almaniya hakimiyyəti mərhumun yaxınlarına “elementar hörmət” göstərməli idi.
“Niyə, heç olmasa ailədən soruşmurlar? Sanki bu ailə yoxdur, sanki bu travmanı almayıb. Siyasət ən böyük fahişəlikdir və bu, hər dəfə sübut olunur”, - Tsityeva deyib. Bundan əlavə, onun sözlərinə görə, Zelimxan Xanqoşvilinin ailəsi üçün “kiminsə həyatının xilas olması kədərli deyil”.
Almaniya Rusiya ilə Qərb ölkələri arasında genişmiqyaslı məhbus mübadiləsi çərçivəsində avqustun 1-də Vadim Krasikovu Rusiyaya təhvil verib. “Frankfurter Allgemeine Zeitung” nəşri yazır ki, Almaniya prokurorluğu hökumətin qərarından “məyusdur”.
Alman mətbuatının yazdığına görə, Krasikovun mübadiləsinin “qıcıqlı əleyhdarlarından” biri də xarici işlər naziri Analena Berbok olub – o, “girovluğu xarici siyasət alətinə çevirən” Rusiya ilə danışıqlar aparmağın düzgün olmadığını düşünüb və deyib ki, hərəkətləri “dövlət terroru” kimi tanınan Krasikovun azad olunması səhv siqnal göndərərdi.
Almaniya kansleri Olaf Şolts deyib ki, Zelimxan Xanqoşvilinin Rusiyaya deportasiyası qərarının heç də asan şəkildə qəbul olunmayıb. Kansler Kremllə belə bir razılaşmanın Rusiya həbsxanalarında olan Rusiya siyasi məhbuslarının, Almaniya və ABŞ vətəndaşlarının azadlığa buraxılması üçün zəruri olduğunu vurğulayıb.
Pankisi vadisindən olan etnik çeçen Zelimxan Xanqoşvili İkinci Çeçen Müharibəsində Rusiyaya qarşı vuruşub. O, 2015-ci ildə ona növbəti hücumdan sonra Gürcüstanı tərk edərək Almaniyaya gedib və oradan sığınacaq istəyib. 2019-cu il avqustun 23-də Xanqoşvili Berlinin Moabit rayonunda cümə namazı üçün məscidə gedərkən velosipedlə yoldan keçən şəxs onu başından vurub. 40 yaşlı Zelimxan Xanqoşvili yerindəcə keçinib. Qatil Vadim Krasikov və Vadim Sokolov saxta Rusiya pasportuna görə eyni gündə həbs ediliblər. 2021-ci ilin dekabrında Berlin Ali Məhkəməsi federal prokurorun tələbini təmin edib və Krasikovu ömürlük həbs cəzasına məhkum edib. Hakim Gürcüstan vətəndaşının qətlini “dövlət terroru” adlandırıb.
