Gürcüstan Milli Kitabxanasının direktoru Qiorqi Kekelidzenin sözlərinə görə, Gürcüstan parlamentinin sədri Şalva Papuaşvili ona vəzifədən getməli olduğunu deyib.
Əsas xəbərlər
“Parlamentin sədri mənimlə görüşdü və dedi ki, mən tutduğum vəzifədən getməliyəm, çünki yaxşı işləsəm də, 11 il çoxdur və yenilənmə vaxtıdır. Mən ona mülayim şəkildə dedim ki, hüquqi baxımdan bu, ondan asılıdır, amma başqa qanun var və bu qanuna görə, bu, böyük ədalətsizlikdir.
Sonra çıxdım, Parlamentin pilləkənlərində oturdum və heyrətamiz insanlarla qurduğum heyrətamiz planlar, bu işə qoyduğum illər, günlər və dəqiqələr haqqında düşündüm və bir böyük arzum ki var idi - bərpasına artıq başlanmış əfsanəvi korpusu açım və mən bu xəbərə artıq uzaqdan sevinəcəyəm. Sonra yadıma düşdü ki, bu bizə xas bir alqoritmidir və belə də baş verməli idi.
Emosional olaraq, bu mənim üçün sıradan bir şey deyil, bəlkə də ən vacib hekayədir, çünki mənim üçün bu məkan bir vəzifə deyil, təhsilin yayılmasının ən yaxşı yolu idi. Sabahki günün və bu ölkənin inkişafı üçün minlərlə detal. Onu sındırmaq isə çətin, hətta mümkün olmayacaq qədər çətindir - lakin, tərəfimdən he, bir müsahibə, he, bir mübarizə və “döyüş” olmayacaq - mən bunun öhdəsindən gələcəm”, - Qiorqi Kekelidze görüşün və söhbətin məzmunu barədə “Facebook”da yazıb.
Hazırda nə Şalva Papuaşvili, nə də parlamentin mətbuat xidməti bu məsələyə aydınlıq gətirməyib.
Parlamentin Milli Kitabxanası Gürcüstanın çap nəşrlərinin, xarici ölkələrin ən mühüm elmi və universal çap nəşrlərinin və digər sənədlərin saxlanıldığı əsas elmi kitabxanadır. Milli Kitabxana xüsusi dövlət əhəmiyyətinə görə Gürcüstan parlamentinin tabeliyindədir.
“Parlamentin Milli Kitabxanası haqqında” Gürcüstan Qanununun 10-cu maddəsinə əsasən, Milli Kitabxananın baş direktoru Gürcüstan parlamentinin sədri tərəfindən vəzifəyə təyin və vəzifədən azad edilir.
Qiorqi Kekelidze 2012-ci ildən Milli Kitabxanaya rəhbərlik edib və o, kitabxana şəbəkəsinin inkişafında və qeyri-formal təhsilin yayılmasında müstəsna fəallıq göstərib.
Kekelidze ölkədə baş verən mühüm hadisələrlə bağlı tənqidi mövqeyini ictimai şəkildə dəfələrlə ifadə edib. Onun rəhbərlik etdiyi dövrdə Milli Kitabxananın zalı müxtəlif, o cümlədən tənqidi ictimai təşkilatlar tərəfindən təşkil olunan tədbirlərin keçirilməsi üçün əlçatan olub.
2023-cü il dekabrın 1-də keçmiş Xalq Müdafiəçisi, “Gürcüstanın Avropa Orbiti” hərəkatının rəhbəri Nino Lomjaria mədəniyyət sahəsinin nümayəndələri ilə məhz Milli Kitabxanada görüşüb.
