Gürcü Pravoslav Kilsəsi Patriarxlığının mətbuat xidmətinin rəhbəri, arxiyepiskop Andria Cağmaidze katolik-patriarxın taxt-tacının varisinin zəhərlənməsi ilə bağlı yayılan məlumatı jurnalistlərə şərh edib. Onun sözlərinə görə, Metropolitan Şio (Mujir) fəaliyyət qabiliyyətini itirib və aparılan analizlər onun qanında ağır metalların olduğunu göstərib.
Əsas xəbərlər
“Bu, yayılan məlumatlara qismən əsaslana bilər. Bizdə fakt var ki, Yepiskop Şionun qan analizində müəyyən fərqliliklər var, tərkibində ağır metalların icazə veriləndən çox olduğu təsbit edilib. Bu gün üçün başqa təfərrüatlar barədə nəsə demək çox çətindir”, - deyə arxiyepiskop Andria Cağmaidze bildirib.
Onun sözlərinə görə, Yepiskop Şionun vəziyyəti bu gün normaldır və o, gündəlik iş prosesinə cəlb olunub.
“İndi nə desəm, hər şey yalnız fərziyyələr və şübhələr olacaq. Burada əsas olan odur ki, iki fərqli fikir mövcuddur: ilki - bu məişətlə əlaqədar hal ola bilər, lakin, müdaxilənin olması və necə deyərlər, onun xəstə olmasının kiminsə xeyrinə olması da istisna olunmur.
Araşdırma rejimində idik, yeməkdə zərərli maddələrin olub-olmadığını müəyyənləşdirməli idik. Bu zamanla əlaqədar bir şey idi. Bu gün bildiyimiz odur ki, onun qəbul etdiyi qida sağlamdır”, - Arxiyepiskop Cağmaidze bildirib.
Yepiskop Şionun zəhərlənməsinin kimin maraqlarına daxil ola biləcəyini soruşduqda o, belə cavab verib: “Bilmirəm, deyə bilmərəm. Ümumiyyətlə, mən hesab edirəm ki, insanı şeytanlaşdıranda, marginallaşdırma və ruhdan salma cəhdi olduqda, bu həmişə, hər hansı fiziki təsirdən daha təsirli olur. Ona görə də ola bilsin ki, biz bir-birimizlə ümumiyyətlə kilsəyə qarşı və Yepiskop Şioya qarşı aparılan kampaniyanı bununla əlaqələndirməyək, lakin, nəzəri cəhətdən belə bir şey mümkündür”.
Andria Cağmaidzenin sözlərinə görə, indiki mərhələdə o, Patriarxlığın İstintaq İdarəsinə müraciət etməyib.
İyulun 5-də bir neçə televiziya şirkəti Metropolitan Şionun zəhərləndiyi barədə məlumat yayıb. “Mtavari Arxi”nin məlumatına görə, patriarxın əvəzləyicisinin qanında arsen aşkarlanıb, “Rustavi 2” isə onun zamanla, mərhələli şəkildə zəhərləndiyini yazır. “Pirveli” teleşirkətinin məlumatına görə, Yepiskop Şionun iş otağında da istintaq hərəkətləri aparılıb, nəticədə arsen və civə izləri aşkar edilib.
