Çeçenistanda səs-küylü işlərdən biri ilə bağlı məhkəmə iclasında iştirak etmək üçün Qroznıya gələn rusiyalı araşdırmaçı jurnalist, “Novaya Qazeta” nəşrinin əməkdaşı Yelena Milaşina və vəkil Aleksandr Nemov hücuma məruz qalıb. Yayılan fotoda Milaşinanın başı qırxılmış olduğu və üzərinə almaz yaşıl yaşılı boya atıldığı görünür.
Əsas xəbərlər
“İşgəncələrə Qarşı Qrup”un məlumatına görə, hücum səhər saatlarında Qroznı hava limanına gedən yolda avtomobillə gedərkən baş verib. 3 maşın jurnalist və hüquq müdafiəçisinin qarşısını kəsib və silahlı şəxslər onlara fiziki təzyiq göstəriblər.
“Maskalı şəxslər hər ikisini döyüb və o cümlədən odlu silahla hədə-qorxu hədə-qorxu gəliblər. Aleksandr Nemov ayağından iti əşya, güman ki, bıçaqla yaralanıb. Onların hər ikisini əlləri və ayaqları ilə döyüblər, onlara fəaliyyətləri, Yelena Milaşinanın haqqında yazdıqları xatırladılıb. Aydındır ki, bu, quldur hücumu deyil, onların fəaliyyətinə görə edilən hücumdur”, - Qroznıdakı “İşgəncələrə Qarşı Qrup”un rəhbəri Sergey Babinets bildirib.
Milaşina və Nemov Qroznı xəstəxanasında ifadə verməkdən imtina ediblər. Sergey Babinetsin sözlərinə görə, Çeçenistan Respublikasının lideri Ramzan Kadırovun qərarına əsasən, onların hər ikisi təcili yardım maşını ilə Şimali Osetiyanın Beslan xəstəxanasına aparılacaq.
Hadisə ilə bağlı “Novaya Qazeta” da yazır. Onların məlumatına görə, maskalı hücumçulür Milaşina və Nemovun mobil telefonlarını götürərək kilidini açmağı tələb ediblər, avadanlıqlarını və sənədlərini məhv ediblər. “Novaya Qazeta”nın məlumatına görə, Yelena Milaşinanın kəllə-beyin travması var və barmaqları sınıb. O bir neçə dəfə huşunu itirib.
Elena Milaşina illərdir Çeçenistanda insan haqlarının pozulması məsələləri barədə yazır və dəfələrlə Ramzan Kadırovun təhdidlərinin hədəfinə çevrilib. 2022-ci ilin fevral ayının əvvəlində Milaşina təhdidlərə görə Rusiyanı tərk etmək məcburiyyətində qaldığı barədə məlumat dərc edib.
Qroznı məhkəməsinin bu gün hökmü elan etdiyi və Milaşinanın işıqlandırmalı olduğu iş Zarema Musaevanın qaçırılması ilə bağlıdır. 2022-ci il, yanvarın 20-də Çeçenistan təhlükəsizlik qüvvələri Çeçenistan Ali Məhkəməsinin istefada olan hakimi Səidi Yanqulbayevin Nijni Novqoroddakı mənzilinə soxularaq onun həyat yoldaşı Zarema Musayevanı zorla Çeçenistana aparıblar. Musayevaya qarşı polis əməkdaşına hücum və dələduzluq maddələri ilə cinayət işi başlanıb. Bu gün o, təqsirli bilinərək 5,5 il müddətinə azadlıqdan məhrum edilib. Çeçenistan hökuməti Yanqulbayevləri Kadırovu açıq şəkildə tənqid edən 1ADAT hərəkatının fəaliyyəti ilə əlaqələndirir. Zarema Musaevanın ailə üzvləri - ər və uşaqları Rusiya Federasiyasını tərk ediblər.
