Rusiyanın iqtisadi inkişaf nazirinin müavini Dmitri Volvaçın sözlərinə görə, onlar Gürcüstanda Rusiya standartları üzrə şərabın sertifikatlaşdırılması üçün laboratoriyaın yaradılmasını nəzərdən keçirirlər. Bu barədə Volvaç Moskvada keçirilən və Rusiya ilə Gürcüstan arasında iqtisadi əlaqələrin inkişaf perspektivlərinin müzakirə olunduğu Rusiya-Gürcüstan iqtisadi forumunda deyib.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Bu qanun nə Avropa, nə də Amerika qanunudur - Aİ səfiri rus qanunu barədə
- 5 Hakim Çxikvadzeyə qoyulan sanksiyanın götürülüb-götürülməməsi ilə bağlı ABŞ səfirliyindən izahat gözləyirəm - Papuaşvili
- 6 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
Nazir müavininin məlumatına görə, ilk təsis iclası fevralda baş tutan Rusiya-Gürcüstan biznes şurası artıq gələn il üçün tədbirlər planı üzərində işləyir.
“İlk növbədə Gürcüstan şərab zavodlarının sertifikatlaşdırılması və şərabların Rusiya standartları üzrə sertifikatlaşdırılması məqsədilə Gürcüstanda ixtisaslaşmış laboratoriyanın yaradılması üçün mütəxəssis qrupu yaradılır. Bu, Rusiya Federasiyası ərazisində gürcü şərablarının ikinci dərəcəli sertifikatını ləğv etməyə imkan yaradacaq”, - deyə Dmitri Volvaç bildirib.
İkinci təşəbbüs Gürcüstandan Rusiyaya idxalı qadağan olunmuş məhsullar siyahısından konyak spirtinin çıxarılması ilə bağlıdır.
“Bu, asan iş deyil. Bunun, belə demək mümkünsə, müxtəlif aspektləri var, lakin biznes şurasının, gürcü və rusiyalı ekspertlərin bu məsələ üzərində işləməsi, məncə, bizim burada irəliləyiş şanslarımızı xeyli artırır. Gürcüstandan tədarük edilən şərabın payının Gürcüstanın ümumi ixracının demək olar ki, 29%-ni təşkil etdiyini nəzərə alsaq, bu təşəbbüslərin həyata keçirilməsi üçün əməli addımların atılması Rusiya ilə Gürcüstan arasında ticari-iqtisadi əlaqələrin inkişafına olduqca əlverişli təsir göstərəcək”, - deyə Volvaç bildirib və 2022-ci il çətin geosiyasi vəziyyətə baxmayaraq, bu il Rusiya ilə Gürcüstan arasında yük dövriyyəsinin demək olar ki, 60% artaraq 2,3 milyard dollar təşkil etdiyini vurğulayıb.
Gürcüstanla müxtəlif səviyyələrdə ticari-iqtisadi əlaqələri Rusiyanın 70-dən çox regionu qoruyub- saxlayır. Dmitri Volvaçın sözlərinə görə, rusiyalı sahibkarlar Gürcüstanla əməkdaşlığa artan maraqla baxırlar.
“Ölkələrimiz arasında ikitərəfli əməkdaşlığın hərəkətverici amillərindən biri turizmin inkişafı ola bilər. Mütəxəssislərimiz yaxın vaxtlarda turizm sənayesinin inkişafı üçün tədbirlər planı layihəsinin hazırlanmasına başlamaq üçün hazırdırlar. Bununla belə, ilk iş hava hərəkətinin bərpası, eləcə də Rusiya vətəndaşları üçün təhlükəsizlik məsələlərinin işlənməsidir. Keçiş tutumunu artırmaq üçün hazırda Yuxarı Lars Beynəlxalq Avtomobil Yolu Nəzarət Məntəqəsinin yenidənquruma işləri davam edir. Tamamlandıqdan sonra keçiş tutumu genişliyi bir neçə dəfə, zolaqların sayı isə 14-dən 39-a qədər artacaq. Yenidənqurma işlərinin 2023-cü ilin üçüncü rübündə başa çatdırılması planlaşdırılır”, - deyə Volvaç bildirib.
Gürcüstan ötən il 252,5 milyon dollar dəyərində şərab satıb. Sakstat göstəricilərinə əsasən, ixracın demək olar ki, 64%-i Rusiyaya gedir. 2022-ci ildə 2021-ci illə müqayisədə Rusiyaya gürcü şərabının ixracı artıb.
