Türkiyə prezidenti Rəcəb Tayyib Ərdoğan prezident seçkilərinə 5 gün qalmış dövlət qulluqçularının maaşlarını 45% artıracağını vəd edib.
Əsas xəbərlər
“Anadolu Ajansı”nın məlumatına görə, ölkənin həmkarlar ittifaqı nümayəndələri ilə görüşdən sonra Ərdoğan dövlət qulluqçusunun minimum əmək haqqının 15 min lirə, təxminən 770 ABŞ dolları olacağını bildirib.
Ərdoğanın sözlərinə görə, 2023-2024-cü illərdə 700 000 məmurun alacağı maaşların müəyyənləşdirilməsi nəzərdə tutulub.
“Kollektiv müqavilə sayəsində dövlət qulluqçularının maaşı 45% artır. Beləliklə, türk dövlət qulluqçularının minimum maaşı 15 min lirə olacaq. Müqavilənin bir hissəsi olaraq, əvvəllər işinə görə heç bir əlavələr almayan işçilər üçün 4-6% bonus da tətbiq edirik. İş vaxtından artıq işlərin ödənişini 70% artırmağa hazırlaşırıq”, - deyə Ərdoğan bildirib.
Maaş artımı dövlət qurumlarının və əlaqədar təşkilatların işçilərinin, dövlət müəssisə və filiallarının, kapitalı yarıdan çoxu dövlətə məxsus olan şirkətlərin işçilərinin və s.
Maaş artımı dövlət qurumlarının və əlaqədar təşkilatların işçilərinin, dövlət müəssisə və filiallarının, kapitalının yarıdan çoxu dövlətə məxsus olan şirkətlərin işçilərinə və s. şamil olunur.
Türkiyədə prezident seçkiləri mayın 14-də keçiriləcək. Rəcəb Tayyib Ərdoğanın əsas rəqibi müxalifətin namizədi, Türkiyə Xalq Cümhuriyyət Partiyasının lideri və millət vəkili, 74 yaşlı Kamal Kılıçdaroğludur. Sorğunun nəticələrinə görə, Kılıçdaroğlu ilə Ərdoğanın qalib gəlmək şansları demək olar ki, bərabərdir.
Rəcəb Tayyib Ərdoğan ölkəni iyirmi ildirki idarə edir. 2003-2014-cü illərdə baş nazir, 2014-cü ildən isə prezidentdir.
