Avqustun 9-da, Şovidə baş vermiş təbii fəlakətin yeddinci günündə xilasedicilər daha iki nəfərin cəsədini aşkar ediblər. Fövqəladə Halların İdarə Olunması Xidmətinin rəhbəri Temur Mğebrişvilinin sözlərinə görə, cəsədlərdən biri yeniyetməyə məxsusdur.
Əsas xəbərlər
“Səhərdən sonra statistika dəyişdi. Bu gün iki cəsəd tapılıb. Bir cəsəd bilavasitə təbii fəlakətin episentrində, koteclər adlanan yerin yaxınlığında görülüb. Bu yeniyetmə cəsədididir. İkinci cəsəd təbii fəlakətin episentrindən təxminən 2 kilometr aralıda çay yatağında tapılıb. Mən sonradan təsdiqlənməyəcək bir şeyi açıqlamaq istəmirəm - bu, bir yeniyetmə və bir qadındır, amma hələ ki, demək istəmirəm. Onların heç birinin şəxsiyyəti müəyyən edilməyib”, – Temur Mqebrişvili jurnalistlərə bildirib.
Təbii fəlakət bölgəsində həlak olanların sayı 21-ə çatıb. Xilasedicilər 12 nəfəri axtarır. Mğebrişvilinin sözlərinə görə, axtarış işləri 9 yerdə aparılır.
“Biz irəlilədik və çox böyük bir ərazini yoxlamışıq. Biz çayın hövzəsində, 25 kilometr perimetrdə monitorinq aparırıq, bizi maraqlandıran obyekt təkcə fəlakətin episentri deyil, bəzi komponentlərdə o qədər məntiqsiz məsələlər üzə çıxıb ki, heç nəyi istisna etmək olmaz. Məsələn, fəlakətin episentrindən təxminən 4 kilometr aralıda avtomobilin tapılması, eləcə də cəsədlərdən birinin episentrdən 2 kilometr uzaqda tapılması və buna bənzər şeylər”, - Temur Mğebrişvili bildirib.
18 yaşlı Samirə İsayeva, 25 yaşlı Davit Beriaşvili, 7 yaşlı Luka Dudaşvili, 25 yaşlı Meqi Qutaşvili, 18 yaşlı Qiqi Qutaşvili, 49 yaşlı Şorena Biçaşvili, 20- Yaşlı Mariam Maisuradze, o cümlədən Qenadi Sultanişvili, Qiorqi Karalaşvili, Nino Kençadze, Ukrayna vətəndaşı Alina Polikovska və Rusiya vətəndaşı Kseniya Triçeva da təbii fəlakət nəticəsində həlak olanlar arasındadır.
Raçada, Şovi kurortunun ərazisində avqustun 3-də baş verən palçıq axını kurortdakı kottecləri tamamilə dağıdıb, mehmanxanalara ziyan vurub, avtomobilləri yuyub aparıb və Şoviyə gedən yeganə yoldakı körpüləri uçurub. Xilasedicilər yalnız sərhəd polisinin helikopterləri ilə 3 saatdan sonra fəlakət zonasına daxil ola biliblər. Avqustun 3-ü və 4-də helikopterlərlə 210 nəfər fəlakət zonasından təxliyə edilib.
