Türkiyə-Almaniya aviaşirkəti SunExpress Gürcüstanda fəaliyyətə başlayır. Aviaşirkət Tbilisi Beynəlxalq Hava Limanına Türkiyənin üç şəhərindən - Ankara, Antalya və İzmirdən uçuşlar həyata keçirəcək.
Əsas xəbərlər
SunExpress 3 iyunda İzmirdən, 5 iyunda Ankaradan, 15 iyunda Antalya kurortundan və əksinə uçuşlara başlayacaq.
Gürcüstan Hava Limanları İttifaqının məlumatına görə, ilk mərhələdə aviaşirkət həftədə beş dəfə reys həyata keçirəcək: Türkiyə və Gürcüstanın paytaxtları arasında bir dəfə, Antalya və İzmirdən iki dəfə birbaşa müntəzəm uçuşlar həyata keçirəcək. Biletlər artıq satışdadır.
SunExpress 33 il əvvəl Antalyada Türk Hava Yolları və Alman Lufhansa tərəfindən təsis edilib. 2001-ci ildə müştərilərə Türkiyə və Almaniya arasında birbaşa müntəzəm uçuşlar təklif edən ilk özəl hava yolu şirkəti oldu.
