“İqtisadiyyatın bərpası əslində yoxsulluğun səviyyəsinin azalmasına kömək etdi. 2021-ci ildə əvvəlki illə müqayisədə yoxsulluq səviyyəsi 3,8% azalıb, 21,3%-dən 17,5%-ə qədər. 2019-cu illə müqayisədə isə 2% azalma müşahidə edilir. Deyə bilərik ki, bu gün yoxsulluğun səviyyəsi tarixi minimumdadır. Bununla belə, biz başa düşürük ki, yoxsulluğun səviyyəsi hələ də ciddi problem olaraq qalır və ölkəmizdə yüksək səviyyədədir. Bunun öhdəsindən gəlməyin yeganə yolu sürətli iqtisadi artımdır”, - deyə iqtisadiyyat və davamlı inkişaf naziri Levan Davitaşvili parlamentdə çıxışı zamanı bildirib.
Əsas xəbərlər
Oxucunun seçimi
- 1 Bu qanun nə Avropa, nə də Amerika qanunudur - Aİ səfiri rus qanunu barədə
- 2 “İvanişviliyə offşorlarda gizlədilən əmlakını ölkəyə gətirməyə icazə verilir”, - qanunda nə dəyişir
- 3 Bidzina İvanişvilinin anti-qərb mesajları
- 4 BMT Gürcüstanı rus qanunu geri götürməyə çağırır
- 5 Siz [reaksiyamızı] gözləyə bilərsiniz - Dövlət Departamenti rus qanunu haqda
- 6 Böyük Britaniya da “Gürcü Arzusu” rus qanununu tənqid edir
Nazirin sözlərinə görə, 2022-ci ilin yanvar-avqust aylarında ixrac təxminən 37% artaraq 3,5 milyard dollar təşkil edib. Yanvar-avqust aylarında Avropa İttifaqı ilə ticarət dövriyyəsi də artaraq 2,5 milyard dollara yaxın olub.
“İqtisadi aktivliyin yüksək artımı həm birinci, həm də ikinci kvartalda məşğulluğun artımında özünü göstərib, işsizlik azalıb, məşğulluq artıb. İkinci kvartalda işsizlik səviyyəsi 4% azalaraq 18,1% təşkil edib. Həm birinci, həm də ikinci kvartalda biznes sektorunda iş yerlərinin sayı pandemiyadan əvvəlki göstəricini üstələyib. 2019-cu ilin eyni dövrü ilə müqayisədə 2022-ci ilin birinci kvartalda biznes sektorunda iş yerləri 51 min, ikinci kvartalda isə 35,5 min iş yeri artıb.
2022-ci il birbaşa xarici investisiyaların cəlb edilməsi baxımından da müsbət olub. Yanvar-iyun aylarında rekord göstəricilər qeydə alınıb - təxminən 1 milyard ABŞ dolları həcmində birbaşa xarici investisiyalar əldə etmişik”, - deyə Levan Davitaşvili turizmin bərpasının müsbət tendensiyasını vurğulayıb:
“2022-ci ilin yanvar-avqust aylarında səyahət gəlirləri demək olar ki, 95% bərpa edilib. Turizmdən 2,1 milyard dollar əldə etmişik. İyul və avqust aylarında turizmdən əldə edilən gəlir pandemiyadan əvvəlki 2019-cu ilin göstəricisini üstələdi. Bilirsiniz ki, bu il tariximizdə turizm gəlirləri baxımından rekord il olub. Sentyabr ayı məlumatları da ümidvericidir.
2022-ci ilin yanvar-avqust aylarında beynəlxalq gəmiçiliklə daşınan yüklərin həcmi də artaraq 18 milyon ton təşkil edib və 2021-ci ilin göstəricisindən 20% çoxdur”.
İqtisadiyyat və davamlı inkişaf nazirinin sözlərinə görə, bu məlumatlara əsasən, 2022-ci ildə Gürcüstanda ilkin ehtimal ediləndən daha yüksək iqtisadi artım olacağını ehtimal etmək olar: “Beynəlxalq Valyuta Fondu bu il Gürcüstan iqtisadiyyatının 9% ilə artımını proqnozlaşdırır. 2022-2027-ci illərdə onların proqnozuna görə, Gürcüstan regionda və ya Avropada 5,6% ən yüksək iqtisadi artıma sahib olacaq. Düşünürəm ki, Gürcüstan daha da böyük nailiyyətlər əldə edəcək”.
