Ukrayna Rusiya tərəfindən işğal olunmuş əraziləri geri qaytarmaq üçün əks-hücum əməliyyatına başlamağa hazırdır. Bu barədə Ukrayna prezidenti Volodimir Zelenski “Wall Street Journal”a müsahibəsində bildirib.
Əsas xəbərlər
“Düşünürəm ki, bu gün biz bunu etməyə hazırıq. Kaş ki, müəyyən şeylərimiz olsun, amma aylarla gözləyə bilmərik. Biz uğur qazanacağımıza qəti inanırıq. Bunun nə qədər vaxt aparacağını bilmirəm”, - deyə Ukrayna prezidenti bildirib.
Volodimir Zelenskinin sözlərinə görə, Rusiya Federasiyasının Ukraynanın mülki əhalisinə, məktəblərinə, infrastrukturuna və enerji sisteminə qarşı atdığı bəzi növ raketləri dayandıra biləcək yeganə silah var və bu, “Patriot” sistemidir: “Hamı yaxşı bilir ki, istənilən hava üstünlüyü olmayan əks-hücum çox təhlükəlidir. Təsəvvür edin ki, tavanın olmadığını bilən və qonşu dövlətlərdə bunun olduğunu başa düşməyən əsgərə deyirsiniz. Əgər hamı səmanı qorumağın vacibliyini bilirsə, niyə bizə müasir təyyarələrin verilməsində problem var? Burada tam olaraq problem nədir?”
Müsahibədə Zelenski Şimali Atlantika Alyansının iyulda Vilnüsdə keçiriləcək sammitindən də danışıb. Onun sözlərinə görə, Ukrayna ilə bağlı hansı qərarın veriləcəyini bilmir.
“Mən hesab edirəm ki, bəzi NATO ölkələri Rusiyadan o qədər qorxurlar ki, Ukraynanı alyansa daxil etmək istəmirlər.
Əgər bizi Vilnüsdə tanınmasa və siqnal verməsələr, mən hesab edirəm ki, Ukraynanın bu sammitdə olmasının mənası yoxdur. Biz müharibə zamanı NATO-nun üzvü olmaq istəmirik. indi gecdir. Biz ora 15 il əvvəl daxil olmalı idik.
Biz başa düşürük ki, bu müharibə zamanı nə NATO-ya, nə də heç bir böyük təhlükəsizlik ittifaqına daxil olmayacağıq. Amma, deyin mənə Vilnüs sammitində bir cümlə neçə insanın həyatına dəyər? “Ukrayna NATO-da bu müharibədən, təhlükəsiz olandan sonra olacaq?” ifadəsinə nə qədər ukraynalının həyatı dəyər?
Ukraynanın əks-hücuma başlaması ilə bağlı danışıqlar bir neçə aydır ki, davam edir. May ayında prezident Zelenski gözləmənin zəruri olduğunu, çünki Ukrayna silahlı qüvvələrinin Qərbin vəd etdiyi silahları gözlədiyini söyləmişdi.
