25 ნოემბერს, საქართველოს მე-11 მოწვევის პარლამენტის პირველი პლენარული სხდომა 12:00 საათზე დაიწყება. საკანონმდებლო ორგანოში მუშაობას ვერ შეძლებენ ონლაინმედიის თანამშრომლები.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
პარლამენტის მიერ გავრცელებული განცხადების მიხედვით, 25 ნოემბერს საქართველოს პარლამენტის სასახლეში უსაფრთხოების ყვითელი დონე იმოქმედებს - საპარლამენტო ღონისძიებებზე დაიშვებიან მხოლოდ მიწვეული პირები, ტელემაუწყებლების აკრედიტებული არაუმეტეს ორი ჯგუფი თითო მაუწყებლიდან.
„საქართველოს პარლამენტის სასახლეში უსაფრთხოების დაცვის წესის დამტკიცების თაობაზე“ საქართველოს პარლამენტის თავმჯდომარის 2023 წლის 04 სექტემბრის N1/259/23 ბრძანების შესაბამისად, მიმდინარე წლის 25 ნოემბერს საქართველოს პარლამენტის სასახლეში იმოქმედებს უსაფრთხოების ყვითელი დონე – ვიზიტორებს ეზღუდებათ პარლამენტის სასახლეში შესვლა. დაგეგმილ საპარლამენტო ღონისძიებებზე (მათ შორის კომიტეტის და პლენარულ სხდომებზე) დაიშვებიან მხოლოდ შესაბამისი სტრუქტურული ერთეულების მიერ მოწვეული პირები.
შენობაში დაიშვებიან ტელემაუწყებლების/ტელემედიის საშუალებების აკრედიტებული არაუმეტეს ორი ჯგუფი თითო მაუწყებლიდან, საპარლამენტო ღონისძიებების დასრულებამდე. აღნიშნული ღონისძიების მიზანია საქართველოს პარლამენტის სასახლეში სამუშაო და უსაფრთხო გარემოს უზრუნველყოფა“, - ნათქვამია პარლამენტის განცხადებაში.
25 ნოემბერს „ქართული ოცნება“ პარლამენტის პირველი სხდომის ჩატარებასა და მისი უფლებამოსილების ცნობას აპირებს ისე, რომ სხდომა, კონსტიტუციის შესაბამისად, პრეზიდენტს არ დაუნიშნია. მმართველმა პარტიამ პარლამენტში არ მიიწვია საქართველოში აკრედიტებული დიპლიმატიური მისიების წარმომადგენლები.
პარლამენტის ლეგიტიმაციას არ აღიარებენ ოპოზიციური პარტიები, რომლებმაც ცენტრალური საარჩევნო კომისიის მონაცემებით არჩევნებში ბარიერი გადალახეს და არც პრეზიდენტი სალომე ზურაბიშვილი.
ორშაბათს, დილის 09:00 საათიდან, პარლამენტთან საპროტესტო აქცია გაიმართება. ოპოზიციის წარმომადგენლები, მხარდამჭერებთან ერთად, რუსთაველის გამზირზე კვირა საღამოდან იკრიბებიან და იქ აპირებენ ღამის გათევას.
შინაგან საქმეთა სამინისტრო საპროტესტო აქციის ორგანიზატორებსა და მონაწილეებს აფრთხილებს, რომ პარლამენტის შენობის ბლოკირება სისხლის სამართლის დანაშაულია, რომელიც 4 წლამდე თავისუფლების აღკვეთით ისჯება.
