აჭარის მთავრობის გადაწყვეტილებით, სამრეწველო გადამუშავების არასტანდარტულ მანდარინზე სუბსიდია გაორმაგდა და ფერმერები სახელმწიფოს მხრიდან 15 თეთრის ნაცვლად 30 თეთრით დაფინანსდებიან.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
მიმდინარე წელს, საპროგნოზო მონაცემებით, აჭარაში 55 ათას ტონამდე ციტრუსია მოსალოდნელი. წელს საექსპორტო მანდარინს 20-ზე მეტი ციტრუსის მიმღებ-გადამამუშავებელი საწარმო მიიღებს. რაც შეეხება არასტანდარტულ ნაყოფს, ქობულეთის საკონსერვი ქარხანა შეუზღუდავი რაოდენობით გადაამუშავებს.
ციტრუსის შტაბი, რომლის მიზანიც ციტრუსის ლოჯისტიკისა და რეალიზაციის ხელშეწყობა, ასევე, ციტრუსის სუბსიდირების უზრუნველყოფაა, მუშაობას 1-ელ თებერვლამდე გააგრძელებს. ამოქმედდება ცხელი ხაზი, სადაც ნებისმიერ მსურველს ინფორმაციის მიღების შესაძლებლობა ექნება.
2022 წელს საქართველოდან ექსპორტირებულია 21.2 მლნ აშშ დოლარის ღირებულების ციტრუსი (36.1 ათასი ტონა). ციტრუსის ექსპორტი 15 ქვეყანაში განხორციელდა.
ციტრუსის ძირითადი საექსპორტო ბაზარია სომხეთი და რუსეთი, სადაც ექსპორტირებულია 10.7 მლნ და 9.4 მლნ აშშ დოლარის ღირებულების პროდუქცია. ციტრუსის ექსპორტი - სომხეთი 18.000 ტონა, რუსეთი 17,140, უკრაინა 418, გერმანია 128, ბელორუსი 142, ყაზახეთი 120, ერაყი 96, აზერბაიჯანი 20, თურქეთი 18, სხვა ქვეყნები 43 ტონა.
