შინაგან საქმეთა სამინისტრო 19 ნოემბერს, მელიქიშვილის გამზირზე აქციის დარბევის დროს დაკავებულ 21 წლის მათე დევიძეს პოლიციელებზე თავდასხმას ედავება, რაც სისხლის სამართლის დანაშაულია და 4-დან 7 წლამდე ვადით პატიმრობით ისჯება.
ახალი ამბები
მკითხველის რჩეული
- 1 Meta ფაქტების გადამოწმების პროგრამას წყვეტს
- 2 ვინ არის ბათუმის საქალაქო სასამართლოს მოსამართლე ნინო სახელაშვილი
- 3 ბაკურციხე-თბილისის გზაზე ავტოავარიის შედეგად ოთხი ადამიანი დაიღუპა
- 4 მოსკოვი მზადაა, რუსეთ-საქართველოს „ურთიერთობების ნორმალიზაცია“ გააგრძელოს
- 5 „შერატონის“ მენეჯერის თქმით, ქორიძესა და გახარიაზე თავდასხმის ჩანაწერები შსს-ს ჯერ არ ამოუღია
- 6 „ბო*იშვილი ვიყო, სისხლით დავიჭერ“ - ბათუმის პოლიციის უფროსი ირაკლი დგებუაძე მზია ამაღლობელზე
„გამოძიებით დადგინდა, რომ მ.დ.-მ მიმდინარე წლის 19 ნოემბერს, თბილისში, მელიქიშვილის გამზირზე გამართულ საპროტესტო აქციაზე, ფიზიკური შეურაცხყოფა მიაყენა ადგილზე საზოგადოებრივი წესრიგის დაცვის მიზნით მობილიზებულ სამართალდამცველებს.
კერძოდ, აქციის მიმდინარეობისას, იგი თავს დაესხა პოლიციელებს და ჯოხის დარტყმით სხეულის დაზიანება მიაყენა.
საქმეზე ჩატარებული საგამოძიებო მოქმედებებისა და მოპოვებული მტკიცებულებების საფუძველზე, პოლიციელებზე განხორციელებული თავდასხმის ფაქტზე სამართალდამცველებმა მ.დ. დააკავეს. გამოძიება სისხლის სამართლის კოდექსის 353-ე პრიმა მუხლის პირველი ნაწილით მიმდინარეობს“, - ნათქვამია შსს-ს განცხადებაში.
მათე დევიძე ერთ-ერთი იყო იმ 16 ადამიანიდან, ვინც ორი დღის წინ, პოლიციამ ადმინისტრაციული წესით, წვრილმანი ხულიგნობისა და პოლიციისადმი დაუმორჩილებლობის საბაბით დააკავა. მათგან 3 იმავე დღეს ხელწერილის საფუძველზე გაათავისუფლეს, სასამართლომ ორს 8-დღიანი ადმინისტრაციული პატიმრობა შეუფარდა, ერთს კი 2700-ლარიანი ჯარიმის გადახდა დააკისრა. დანარჩენმა დაკავებულებმა დროებითი მოთავსების იზოლატორი დღეს, დაკავების მაქსიმალური - 48-საათიანი ვადის გასვლის შემდეგ დატოვეს.
„ერთ-ერთი ინციდენტის დროს, როდესაც ნიკა მელიას აკავებდნენ და სხვა მოქალაქეებსაც, გავიქეცით შეხლა-შემოხლის ადგილისკენ, რომ ხალხს დავხმარებოდით. ამ დროს დამეკარგა თვალიდან და რამდენიმე წუთში დავინახე, რომ 4 პოლიციელი ცდილობდა, მანქანისკენ წაეთრია. მივედი დასახმარებლად. ვერ ვუშველე, კიდევ 20 მოვარდა. თან ურტყამდნენ, თან ახრჩობდნენ და ისე მიათრევდნენ. ადმინისტრაციული წესით იყო დაკავებული და დღეს დილით გადაუკვალიფიცირდა სისხლის სამართლის მუხლით. რა თქმა უნდა, დაშინების მცდელობაა. როგორც მარტის აქციების დროს აირჩიეს ლაზარე [გრიგორიადისი] განტევების ვაცად, იგივე ხდება მათეს შემთხვევაში“, - უთხრა მათე დევიძის მეგობარმა ტელეკომპანია „პირველს“.
სახალხო დამცველის შეფასებით, 19 ნოემბერს, დილით, იმ დროს, როდესაც შინაგან საქმეთა სამინისტროს თანამშრომლებმა მელიქიშვილის გამზირზე მყოფი აქციის მონაწილეების დაკავება დაიწყეს, აქცია მშვიდობიან ხასიათს ატარებდა და შეკრების თავისუფლების სტანდარტებში ჯდებოდა. დაკავებული 16 პირიდან 10-მა თქვა, რომ არასათანადო მოპყრობისა ან ძალის გადამეტების მსხვერპლი გახდა.
