რუსული კანონის საწინააღმდეგო აქციაზე დაკავებული გელა ნადირაძე, რომელსაც ოჯახის წევრები 2 დღის განმავლობაში ეძებდნენ, იპოვეს და სახლშია. როგორც „საქართველოს ამბებს“ ახალგაზრდა იურისტთა ასოციაციის თავმჯდომარე ნონა ქურდოვანიძემ უთხრა, ეს ინფორმაცია საიას ახლახან ნადირაძის ოჯახის წევრებმა მიაწოდეს.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
გელა ნადირაძეს ვერც საავადმყოფოებში პოულობდნენ და ვერც დროებითი მოთავსების იზოლატორებში. დღეს, საღამოს, დაახლოებით 18:00 საათისთვის ოჯახს აცნობეს, რომ იგი გადაყვანილი იყო შპს „წმინდა მიქაელ მთავარანგელოზის სახელობის მრავალპროფილიან კლინიკურ საავადმყოფოში“ და აღენიშნებოდა ნეკნების მძიმე დაზიანება.
ახალგაზრდა იურისტთა ასოციაციის განცხადების თანახმად, ოჯახის წევრებს საავადმყოფოს წარმომადგენლებმა სატელეფონო საუბრისას უთხრეს, რომ დაზარალებული საავადმყოფოდან პოლიციამ გადაიყვანა, თუმცა ადგილზე მისვლის შემდეგ, განუცხადეს, რომ გელა ნადირაძე საავადმყოფოდან დღეს გაწერეს, თუმცა ის პოლიციას არ წაუყვანია.
საიამ მოუწოდა სპეციალურ საგამოძიებო სამსახურს მყისიერად დაეწყო გამოძიება გელა ნადირაძის საქმეზე, მათ შორის, დაზარალებულის ადგილსამყოფელის დადგენის მიზნით.
„იმ შემთხვევაში, თუ გელა ნადირაძემ დაზიანებები მიიღო პოლიციის ეფექტიანი კონტროლის ქვეშ, საჭიროა შესაბამისი საგამოძიებო მოქმედებები მყისიერად დაიწყოს და არ მოხდეს დაზარალებულის დაშინება ან მასზე სხვაგვარი ზემოქმედება“, - განაცხადა საიამ.
