„ადგილობრივი თვითმმართველობის არჩევნებამდე 5 თვეზე ნაკლებია დარჩენილი. არჩევნებისთვის სამზადისი დაწყებული გვაქვს. რამდენიმე კვირაში უკვე ოფიციალურად გავხსნით საარჩევნო კამპანიას. პარტია სრულად იქნება მობილიზებული მე-10 საიუბილეო გამარჯვებისთვის. ქართველი ხალხის მხარდაჭერით, ჩვენ მოვიგებთ მერის და საკრებულოს არჩევნებს 64-ვე მუნიციპალიტეტში, რათა არცერთ მუნიციპალიტეტში არცერთი დღით არ შეჩერდეს განვითარება და სრულად დავიცვათ საქართველოს თითოეული მხარის, თითოეული კუთხის ინტერესები“, - განაცხადა „ქართული ოცნების“ პრემიერ-მინისტრმა ირაკლი კობახიძემ 7 მაისს გამართულ პარტიის ყრილობაზე, სადაც ის პარტიის თავმჯდომარედ აირჩიეს.
ახალი ამბები
მკითხველის რჩეული
- 1 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 2 ოკუპირებულ აფხაზეთში საქართველოს მოქალაქე დააკავეს და რუსეთს გადასცეს
- 3 სააკაშვილი: აპირებენ ხაბეიშვილის დადანაშაულებას შეიარაღებული გადატრიალების მცდელობაში
- 4 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
- 5 „ქართულმა ოცნებამ“ 63 მუნიციპალიტეტში მერობის კანდიდატები წარადგინა
- 6 დასკვნითი სხდომის პარალელურად, ბათუმში მზია ამაღლობელის მხარდამჭერი აქცია იმართება
კობახიძემ კიდევ ერთხელ გაიმეორა, რომ არჩევნების შემდეგ საკონსტიტუციო სასამართლოს მიმართავენ შესაბამისი პოლიტიკური პარტიების არაკონსტიტუციურად გამოცხადების მოთხოვნით.
„რადიკალების პოლიტიკიდან ჩამოშორება არის ჩვენი გაცხადებული მიზანი. ჩვენ დავძრავთ ამ სამართლებრივ პროცესს და იმედი გვაქვს, საკონსტიტუციო სასამართლო გაიზიარებს ჩვენს სამართლებრივ მსჯელობას,“- თქვა მან.
ყრილობაზე „ქართული ოცნების“ ახალი პოლიტსაბჭოც აირჩიეს შემდეგი შემადგენლობით: ბიძინა ივანიშვილი; ირაკლი კობახიძე; კახა კალაძე; შალვა პაპუაშვილი; მამუკა მდინარაძე; გიორგი ვოლსკი; თეა წულუკიანი; ვახტანგ გომელაური; ირაკლი ჩიქოვანი; მაკა ბოჭორიშვილი; ნიკოლოზ სამხარაძე; მარიამ ქვრივიშვილი; დიმიტრი სამხარაძე; სულხან თამაზაშვილი; ნინო წილოსანი.
„ქართული ოცნების“ თავმჯდომარე ირაკლი ღარიბაშვილმა პოსტის დატოვების და პოლიტიკიდან წასვლის შესახებ 25 აპრილს განაცხადა.
„ვეღარ ვხედავ პარტიის თავმჯდომარედ და ზოგადად პოლიტიკაში დარჩენის საჭიროებას. ამიტომ მივიღე გადაწყვეტილება დავტოვო „ქართული ოცნების“ თავმჯდომარის თანამდებობა და პოლიტიკიდან გავიდე. საკუთარი ქვეყნის სამსახური სხვა პოზიციიდან განვაგრძო“, - თქვა ღარიბაშვილმა.
ის ჯერ-ჯერობით არცერთი ქვეყნის მიერ არ არის სანქცირებული.
საქართველოში თვითმმართველობის არჩევნები 2025 წლის 4 ოქტომბერს უნდა ჩატარდეს.
