დღეს, 12:45 საათზე, ქუთაისიდან ბარსელონაში გაფრენილი Wizz Air-ის თვითმფრინავი რამდენიმე წუთში უკან დააბრუნეს. ქუთაისის საერთაშორისო აეროპორტში ავიაკომპანია Wizz Air-ზე დაყრდნობით განმარტეს, რომ მიიღეს ინფორმაცია ბორტზე ასაფეთქებელი ნივთიერების სავარაუდო არსებობის შესახებ.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„ეკიპაჟმა ბორტის ქუთაისის აეროპორტში დაბრუნების გადაწყვეტილება მიიღო. ადგილზე ყველა შესაბამისი სამსახურია მობილიზებული და სამუშაოებს აწარმოებენ“, - განაცხადეს ქუთაისის აეროპორტში.
Flightradar24-ის მონაცემებით, თვითმფრინავი შავი ზღვის თავზე მიფრინავდა, როდესაც უკან დაბრუნება მოუწია. აეროპორტში დაჯდომის შემდეგ მგზავრებს ბორტი დაუყოვნებლივ დაატოვებინეს.
ამ დროისთვის უცნობია, როდის შესრულდება ქუთაისი-ბარსელონას რეისი.
21 იანვარს გავრცელდა ინფორმაცია, რომ ასაფეთქებელი მოწყობილობა ბათუმში, ერთ-ერთ სავაჭრო ცენტრში იყო განთავსებული, რის გამოც შენობიდან ხალხის ევაკუაცია განხორციელდა. მეორე დღეს სახელმწიფო უსაფრთხოების სამსახურში განაცხადეს, რომ ტერორიზმის შესახებ ცრუ შეტყობინების ფაქტზე გამოძიებას აწარმოებდნენ. სამსახურის ცნობით, 2023 წლის 30 დეკემბერს და მიმდინარე წლის 17 იანვარსაც მიიღეს ცრუ შეტყობინებები „გალერეა თბილისში“ ტერორისტული თავდასხმის შესახებ.
„ის უკავშირდება საერთაშორისო ქსელურ თამაშებს, რომელშიც ჩართულნი არიან არასრულწლოვანი პირები სხვადასხვა ქვეყნიდან, მათ შორის, საქართველოდან“, - განაცხადეს სუს-ში.
31 იანვარს, სუს-ში მოწმის სახით გამოკითხეს ბლოგერი ბექა ვარდოსანიძე. გამოძიების ინფორმაციით, ვარდოსანიძის ელექტრონული ფოსტიდან ტერორისტული შინაარსის მუქარის შემცველი შეტყობინებები სუს-ის, შინაგან საქმეთა სამინისტროს თბილისის პოლიციის დეპარტამენტის, ასევე, ტელეკომპანია „იმედის“ ოფიციალურ მეილზე გაიგზავნა. ვარდოსანიძემ შეტყობინების გაგზავნა უარყო და აღნიშნა, რომ მუქარის ტექსტები უცხო ენიდან Google Translate-ით იყო თარგმნილი.
