პრეზიდენტმა სალომე ზურაბიშვილმა სამარცხვინო უწოდა „ქართული ოცნების“ ახალ ბანერებს, სადაც უკრაინაში რუსეთის მიერ განადგურებული ქალაქები საარჩევნო პროპაგანდისთვისაა გამოყენებული.
ახალი ამბები
მკითხველის რჩეული
- 1 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 2 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
- 3 „ქართულმა ოცნებამ“ 63 მუნიციპალიტეტში მერობის კანდიდატები წარადგინა
- 4 სახელმწიფო დეპარტამენტის ანგარიში: „ტიტუშკები“, თავდასხმები მედიაზე და დაუსჯელობა
- 5 მნიშვნელოვანია, საქართველოს ხელისუფლების აღიარება საქმედ იქცეს – ზახაროვა აგვისტოს ომზე
- 6 პაპუაშვილის თქმით, მზია ამაღლობელის საქმეზე გამოტანილი განაჩენი „ელჩების სინდისზეა“
„ასეთი სამარცხვინო, ასეთი ჩვენი კულტურის, ტრადიციების, ისტორიისა და რწმენის შეურაცხმყოფელი არაფერი მინახავს... რა დღეში უნდა იყოთ, რა საცოდავები, რომ კგბ-ს სამჭედლოში დამზადებული პლაკატი თქვენს ხალხს უტიფრად და უნამუსოდ შესთავაზოთ! „ღირსებით“ ჯოჯოხეთისკენ!“, - წერს სალომე ზურაბიშვილი სოციალურ ქსელ Facebook-ში.
თბილისში გამოჩნდა მმართველი პარტიის ახალი საარჩევნო ბანერები წარწერით: „არა ომს, აირჩიე მშვიდობა“. ბანერების ნაწილზე, ერთ მხარეს გამოსახულია უკრაინაში რუსეთის მიერ დაბომბილი ტაძარი, ხოლო მარჯვნივ - სამება, რომელიც „ქართული ოცნების“ წევრების განცხადებით, ბიძინა ივანიშვილის აშენებულია. სხვა ბანერებზე ვხედავთ განადგურებულ მარიუპოლის ზედხედს, მის გვერდით - ბათუმს, ხარკოვში დაბომბილ სპორტულ კომპელქსს, მის გვერდით კი რუსთავში ახლად აშენებულ მსგავს დაწესებულებას და ა.შ..
ბანერების შავ-თეთრ მხარეს, სადაც განადგურებული უკრაინული ქალაქები და შენობებია, გადახაზულია ოპოზიციური პოლიტიკური პარტიების საარჩევნო ნომრები - 4, 5, 9 და 25, ხოლო მეორე მხარეს „ქართული ოცნების“ ნომერი - 41-ია მითითებული.
„ხო, რუსეთის მიერ რომ არ დაიბომბოს, ბავშვები არ დახოცოს, საავადმყოფოები არ დაბომბოს, ეკლესიები არ დაბომბოს და ასეთი მსხვერპლი რომ არ გვქონდეს, ეს უნდა შევახსენოთ საზოგადოებას. ...
საზოგადოებამ უნდა იცოდეს განსხვავება - როცა ჩვენსავით იქცევა ხელისუფლება, რა გვაქვს სახეზე და როცა სხვანაირად იქცევა ხელისუფლება, რა შეიძლება იყოს“, - ასე გამოეხმაურა „ქართული ოცნების“ აღმასრულებელი მდივანი მამუკა მდინარაძე კრიტიკას.
მდინარაძე ფიქრობს, რომ სოციალურ ქსელში ბანერებს უარყოფითად მხოლოდ „ნაცაქტივისტები“ აფასებენ.
