ამერიკის შეერთებული შტატების ხელისუფლებამ რუსული სახელმწიფო მედია ჯგუფი RT-ის (Russia Today) ხელმძღვანელობა, მათ შორის მარგარიტა სიმონიანი, აშშ-ის საპრეზიდენტო არჩევნების შედეგებზე დეზინფორმაციის გზით ზემოქმედების მცდელობებში დაადანაშაულა და ახალი სანქციები დააწესა.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 5 „ქართული ოცნების“ დე-ფაქტო მთავრობა არალეგიტიმურია - ჰელსინკის კომისია
- 6 სპეცრაზმი რუსთაველის გამზირზე აქციის მონაწილეებს არბევს
სანქცირებულთა სიაში მოხვდა 10 ფიზიკური პირი და ორი ორგანიზაცია. შეზღუდვები ვრცელდება როგორც Russia Today-ზე, ისე მის შვილობილ მედიაორგანიზაციებზე - RIA Novosti-სა და Sputnik-ზე.
სახაზინო დეპარტამენტის განცხადებით, 2024 წლის დასაწყისიდან, RT-ის ხელმძღვანელები ცდილობდნენ სოციალურ ქსელებში გავლენის მქონე ამერიკელების (ე.წ. ინფლუენსერების), რომლებმაც მათი განზრახვის შესახებ არაფერი იცოდნენ, ფარულად დაქირავებას. „RT-მ გამოიყენა ყალბი კომპანია საკუთარი ან რუსეთის ხელისუფლების ჩართულობის შესანიღბად. მაგარიტა სიმონიანი RT-ის მთავარი რედაქტორი და ცენტრალური ფიგურაა რუსეთის მთავრობის მავნე გავლენების ძალისხმევაში. მან დაუშვა RT-ის საფარქვეშ ყალბი კომპანიის ოპერაციები“, - ვკითხულობთ ხაზინის დეპარტამენტის განცხადებაში.
როგორც BBC წერს, გენერალურმა პროკურორმა მერიკ გარლანდმა განაცხადა, რომ მოსკოვს სურდა მიეღო „სასურველი შედეგი“ აშშ-ის პრეზიდენტობის კანდიდატებს, დონალდ ტრამპსა და კამალა ჰარისს შორის რბოლაში, ხოლო თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორის, ჯონ კირბის თქმით, რუსეთის პროგრამა მიზნად ისახავდა აშშ-ში „უკრაინის საერთაშორისო მხარდაჭერის შემცირებას, პრორუსული პოლიტიკისა და ინტერესების გაძლიერებას და ამომრჩევლებზე ზემოქმედებას“.
„RT აღარ არის მხოლოდ კრემლის პროპაგანდისტული განშტოება. ის გამოიყენება ფარული რუსული გავლენის ღონისძიებების ხელშეწყობისთვის“, - თქვა კირბიმ.
სანქციები სავიზო შეზღუდვებსა და აშშ-ში არსებული ქონების დაბლოკვას ითვალისწინებს. ამასთან, აშშ-ის ხელისუფლებამ 32 ინტერნეტ მისამართი დააყადაღა, რომლებიც ხელოვნური ინტელექტის მიერ გენერირებული ყალბი ნარატივების ფარულად გასავრცელებლად გამოიყენებოდა.
გადაწყვეტილებას სიმონიანი Telegram-ზე გამოეხმაურა კომენტარით „გაიღვიძეს“.
