თეთრიწყაროს მუნიციპალიტეტის სოფელ ასურეთში საჰაერო ბურთი მაღალი ძაბვის გადამცემ ხაზს დაეჯახა, რის შედეგადაც საფრენ აპარატში მყოფი სამივე ადამიანი დაიღუპა - „სქაი თრეველ“-ის დამფუძნებელი და დირექტორი, რევაზ უთურგაური, პოლონელი კინორეჟისორი კშიშტოფ ზაპარტი და ტელეკომპანია „იმედის“ ოპერატორი მიშო ბიძინაშვილი.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
ასურეთში მერის წარმომადგენელმა, არმაზ მეტრეველმა „საქართველოს ამბებს“ უთხრა, რომ უბედური შემთხვევა რამდენიმე საათის წინ მოხდა და ადგილზე საგამოძიებო მოქმედებები მიმდინარეობს.
„დღემდე ასურეთში საჰაერო ბურთი არ გვინახავს. მანგლისის მხრიდან წამოვიდა და მაღალი ძაბვის ანძას დაეჯახა. დღეს ძლიერი ქარია და როგორც ჩანს, ეს გახდა შეჯახების მიზეზი“, - ამბობს მერის წარმომადგენელი.
საჰაერო ბურთი დღეს ფოთის ცენტრალური მოედნიდან აფრინდა და კახეთში უნდა გაფრენილიყო. ეს იყო მოსამზადებელი, საცდელი გაფრენა, რის შემდეგაც ბურთში მყოფი მფრინავები მსოფლიო რეკორდის დამყარებას აპირებდნენ საჰაერო ბურთით ყველაზე დიდ მანძილზე გაფრენით.
განახლება [19:00 საათი]: უბედურ შემთხვევამდე რამდენიმე კვირით ადრე რევაზ უთურგაური ერთ-ერთ ინტერვიუში საკუთარი გეგმების შესახებ ჰყვებოდა:
„მთელ საქართველოზე გადაფრენისთვის ვემზადები. ეს სპეციალური საჰაერო ბურთით მოხდება, რომლითაც მგზავრები არ გადაჰყავთ. ორი პილოტი ვიქნებით. მეორე პოლოტი პოლონელია, კშიშტოფ ზაპარტი - ადამიანი ლეგენდა, რომელიც მსოფლიოში მეორე ადგილზეა საჰაერო ბურთით დაფარული მანძილით - მისი რეკორდი 3526 კილომეტრია. ჯერჯერობით უცნობია, საიდან ავფრნდებით. შავი ზღვის სანაპიროზე რამდენიმე ადგილია მონიშნული - ფოთი, ქობულეთი და ჩაქვი. ჩვენ ხომ ძრავი არ გვაქვს. ჰაერთან ერთად და ჰაერში დავფრინავთ. იმის გათვალისწინებით თუ საიდან შემოვა საქართველოს ტერიტორიაზე ციკლონი, ავარჩევთ საწყის წერტილს, საიდანც გავფრინდებით დასაჯდომი ადგილისკენ, ჩვენი საქართველოს ბოლოში, კახეთში - ვაშლოვანის ნაკრძალში ან ლაგოდეხში. მაქიმალურად დიდხანს უნდა ვიფრინოთ. ეს 400 კილომეტრია. საქართველოზე გადაფრენა დიდი პროექტის ნაწილია, რომელაც 11 წელია ვამზადებთ - საჰაერო ბურთით შავ ზღვაზე გადაფრენა, რუმინეთიდან საქართველოში“.
რევაზ უთურგაური 70 წლის იყო, კშიშტოფ ზაპარტი 52-ის.
პოლიციამ მომხდარზე გამოძიება სისხლის სამართლის კოდექსის 275-ე მუხლით დაიწყო, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
