ბაქოში, ბინაგადის რაიონში, ავეჯის საწარმოში მომხდარი აფეთქების შედეგად დაღუპულთა რიცხვი 7-მდე გაიზარდა. დაღუპულთა შორის საქართველოს მოქალაქეც არის. 35 წლის მამაკაცი, რომელიც ბოლნისის მუნიციპალიტეტის სოფელ ნახიდურიდან იყო, ბაქოში სამუშაოდ იმყოფებოდა.
ახალი ამბები
მკითხველის რჩეული
- 1 ეს არის ღალატი, ამ კანონით ეს ქვეყანა თქვენ მიგყავთ რუსეთისკენ - ეთერ თურაძე შალვა პაპუაშვილს
- 2 სტიგმატიზება საბედისწერო შეიძლება იყოს ადამიანების სიცოცხლისთვის - ზენონი რუსულ კანონზე
- 3 ფიცს ვდებ, თუ კანონს არ გაიწვევენ, დავტოვებ პარტიას და თანამდებობას - „ოცნების“ წევრი თელავიდან
- 4 ქართველი ხალხის მომავალი სასწორზეა - 12 ქვეყნის საგარეო კომიტეტები რუსულ კანონზე
- 5 83 დეპუტატი, რომელმაც რუსულ კანონს მხარი დაუჭირა | სია
- 6 სასამართლომ ანტიკორუფციულ ბიუროს სანქცირებული მოსამართლეების ქონების შემოწმება აუკრძალა
აზერბაიჯანის საგანგებო სიტუაციების სამინისტროს განცხადებით, სამძებრო-სამაშველო სამუშაოები კვლავ გრძელდება.
აფეთქება, რომელსაც ხანძარი მოჰყვა, ავეჯის საწარმოში 15 დეკემბერს, დღისით მოხდა და სრულად გაანადგურა 2750 კვ.მ. ფართობი. ბოლო ინფორმაციით, შემთხვევის შედეგად 24 ადამიანი დაშავდა, 3 ადამიანი კი ნანგრევებიდან მაშველებმა ამოიყვანეს.
აზერბაიჯანის პროკურატურამ გამოძიება სახანძრო უსაფრთხოების წესების დარღვევისა და გაუფრთხილებლობის მუხლებით დაიწყო. როგორც უწყებაში განაცხადეს, აფეთქების მიზეზის, მიყენებული ზარალის და ასევე, სხვა გარემოებების დასადგენად დანიშნულია შესაბამისი ექსპერტიზები.
