აჭარის პოლიციის თანამშრომლებმა, ჯგუფურად ჩადენილ ძალადობის ბრალდებით, ბათუმის ხელოვნების სასწავლო უნივერსიტეტის სახვითი, სასცენო და კინო-ტელე ხელოვნების ფაკულტეტის დეკანი მამუკა ჯორბენაძე დააკავეს.
ახალი ამბები
მკითხველის რჩეული
- 1 სუს-ის ყოფილი უფროსი გრიგოლ ლილუაშვილი რეგიონული განვითარების მინისტრად აღარ დანიშნეს
- 2 ენმ: გენერლები გოგავა და ყურაშვილი რუსულ კომისიაზე პარტიული აფილიაციის გარეშე წარდგებიან
- 3 თბილისის პოლიციის დეპარტამენტის დირექტორად ლაშა გოგნიაშვილი დაინიშნა
- 4 გადაალაგეს, სუს-იც თან გაატანეს არჩევნების გაყალბების ფუნქციით - მეზვრიშვილი ლილუაშვილზე
- 5 რა წერია უცხოური გრანტების წინააღმდეგ „ქართული ოცნების“ კანონპროექტში
- 6 კობახიძე რუსეთის ხსენების გარეშე 9 აპრილზე პასუხისმგებლად „უცხოურ ძალას“ აცხადებს
იგივე ბრალდებით დაკავებულები არიან უნივერსიტეტის სტუდენტები - 20 წლის გურამ მიქელაძე, 21 წლის დავით გვიანიძე, 22 წლის გიორგი დავითაძე და 22 წლის ანრი კაკაბაძე.
შინაგან საქმეთა სამინისტროს განცხადებით, გამოძიებით დადგინდა, რომ მიმდინარე წლის 3 დეკემბერს, ბათუმში გამართული საპროტესტო აქციის ფარგლებში, აქციის მონაწილეთა ჯგუფი ბათუმის ხელოვნების სასწავლო უნივერსიტეტში შევიდა რექტორის სამუშაო ოთახთან ბანერის გაკვრის მიზნით, აღნიშნულის საშუალება არ მისცა ამავე უნივერსიტეტის ლექტორმა თეა ცაგურიამ, რის გამოც, მამუკა ჯორბენაძემ მას სიტყვიერი შეურაცხყოფა მიაყენა.
„გამოძიებით ასევე, დადგინდა, რომ 1978 წელს დაბადებული მ.ჯ. და მისი სტუდენტები მოგვიანებით თ.ც.-ს მეუღლეს - 1975 წელს დაბადებულ ი.დ.-ს და მის მეგობარს - 1977 წელს დაბადებულ ი.ნ. -ს უნივერსიტეტის შენობაში ფიზიკურად გაუსწორდნენ. პოლიციამ ბრალდებულები მოსამართლის განჩინების საფუძველზე დააკავა“, - ნათქვამია შს სამინისტროს მიერ გავრცელებულ განცხადებაში.
დაკავებულების ადვოკატის, დავით ჯაფარიძის თქმით, ლექტორსა და დეკანს შორის დაპირისპირება თეა ცაგურიას მხრიდან სტუდენტებთან „ქართული ოცნების“ მხარდამჭერ აგიტაციას მოჰყვა.
„მან შეამჩნია, რომ ლექტორი აკეთებდა პოლიტიკურ განცხადებებს სტუდენტებთან და შენიშვნა მისცა. საპასუხოდ, თეა ცაგურიამ დაურეკა და გამოიძახა მეუღლე, რომელიც ძველი ბათუმის გამგებელია. რამდენადაც ჩემთვის ცნობილია და თვითმხილველები მეუბნებიან, უნივერსიტეტში თავს დაესხნენ მამუკა ჯორბენაძეს. ეს დაინახეს სტუდენტებმა და მოხდა ჩხუბი“, - ამბობს ადვოკატი.
საქმეზე გამოძიება სისხლის სამართლის კოდექსის 126-ე მუხლის პირველი პრიმა ნაწილით მიმდინარეობს, რაც ჯგუფურ ძალადობას გულისხმობს და ჯარიმით ან საზოგადოებისათვის სასარგებლო შრომით ანდა ორ წლამდე თავისუფლების აღკვეთით ისჯება.
