ბიზნესმენი, „სილქ როუდ ჯგუფის“ დამფუძნებლი და მფლობელი, გიორგი რამიშვილი, იგივე „ზარალა“, თბილისის საერთაშორისო აეროპორტში, ქვეყნიდან გამგზავრებისას დააკავეს.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 3 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 4 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 5 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 6 ნათესავებმა თბილისში იპოვეს ჩეჩნეთიდან ოჯახში ძალადობას გამოქცეული ქალი და მისი წაყვანა სცადეს
შინაგან საქმეთა სამინისტროს მიერ გავრცელებული განცხადების მიხედვით, გამგზავრების ტერმინალში, გიორგი რამიშვილის ხელბარგის სკანერით შემოწმებისას ცეცხლსასროლი იარაღი, მჭიდი და ვაზნები ამოიღეს.
„დადგინდა, რომ აღნიშნული ცეცხლსასროლი იარაღი რეგისტრირებულია გ.რ.-ს სახელზე, თუმცა აღნიშნულ პიროვნებას ტარების უფლება არ ჰქონდა“, - აცხადებენ შსს-ში.
58 წლის ბიზნესმენის წინააღმდეგ გამოძიება სისხლის სამართლის კოდექსის 236-ე მუხლის მე-3 და მე-4 ნაწილებით მიმდინარეობს, რაც ცეცხლსასროლი იარაღის და საბრძოლო მასალის, მართლსაწინააღმდეგო შეძენა-შენახვა-ტარებას გულისხმობს. დანაშაული 3-დან 7 წლამდე თავისუფლების აღკვეთით ისჯება.
გიორგი რამიშვილი კომპანია „სილქნეტის“ სამეთვალყურეო საბჭოს თავმჯდომარე და „ევრონიუს ჯორჯიას“ დამფუძნებელიცაა. ბიზნესმენი ბათუმში Trump Tower-ის აშენებას გეგმავდა და 2011 წელს აშშ-ის ამჟამინდელი პრეზიდენტის, დონალდ ტრამპის ორგანიზაციასთან ლიცენზირების ხელშეკრულებაც გააფორმა, თუმცა 2016 წელს გარიგება ჩაიშალა.
„აქტივისტების, ჟურნალისტებისა და პოლიტიკური ლიდერების შემდეგ, ახლა დაპატიმრებები დიდი ბიზნესისკენ გადადის! დღევანდელი უახლესი შემთხვევა გიორგი რამიშვილია - ერთ-ერთი ძირითადი ინტერნეტქსელის მფლობელი, Euronews Georgia-ს დამფუძნებელი და დონალდ ტრამპის ყოფილი ბიზნესპარტნიორი!“ - ასე გამოეხმაურა საქართველოს მეხუთე პრეზიდენტი, სალომე ზურაბიშვილი ბიზნესმენის დაკავებას.
რამიშვილი საქართველოს ყოფილი მთავარი პროკურორის, აშშ-ის მიერ სანქცირებული ოთარ ფარცხალაძის მეჯვარეა.
