ჩოხატაურის საკრებულოს ყოფილ თავმჯდომარეს, პოლიციელზე ჯგუფურ ძალადობაში ბრალდებულ დავით შარაშიძეს აღკვეთის ღონისძიების სახით შეფარდებული 30 000-ლარიანი საპატიმრო გირაო პატიმრობით შეეცვალა. გადაწყვეტილება სააპელაციო სასამართლომ მიიღო, რითაც პროკურატურის საჩივარი სრულად დააკმაყოფილა.
ახალი ამბები
მკითხველის რჩეული
- 1 Nestle-მ ჩვილ ბავშვთა საკვების ნაწილი გაყიდვებიდან ამოიღო ტოქსინის გამო
- 2 კადიროვმა თავისი 20 წლის ვაჟი, ახმატი, ჩეჩნეთის ვიცე-პრემიერად დანიშნა
- 3 ტრამპის გადაწყვეტილებით, აშშ 66 საერთაშორისო ორგანიზაციას ტოვებს
- 4 ირაკლი ღარიბაშვილი მხნედაა, საზოგადოებისთვის გზავნილი არ დაუბარებია – ადვოკატი
- 5 რა სიმპტომები აქვს გრიპის ყველაზე გავრცელებულ ტიპს, „ჰონგ კონგის“ ვირუსს
- 6 შსს ოზურგეთში მომხდარზე: სუს-ის თანამშრომელმა იარაღი ამოიღო, მაგრამ არ გამოუყენებია
დავით შარაშიძე 28 იანვარს დააკავეს ოზურგეთის ერთ-ერთ რესტორანში მომხდარ დაპირისპირებასთან დაკავშირებით. ბრალდების მხარის თანახმად, შარაშიძემ და მასთან ერთად მყოფმა ორმა მოქალაქემ ჯგუფურად იძალადეს პოლიციელზე, რომელიც იმ მომენტისთვის არ ასრულებდა სამსახურებრივ მოვალეობას. საქმეში დაზარალებულად არის ცნობილია გოგა (გიორგი) ჯინჭარაძე.
„ბრალდებულს თან ახლდა ორი პირი. ამ ორი პირიდან ერთი ესაუბრებოდა დაზარალებულს, ამ საუბარში გამოხატა მხარდაჭერა „ქურდული სამყაროს“ მიმართ, შეურაცხყოფა მიაყენა დაზარალებულს, ასევე, სამართალდამცავ ორგანოს და შემდეგ ამას მოჰყვა ფიზიკური დაპირისპირება. ცემის პროცესში მონაწილეობდა როგორც ბრალდებული, ისე მასთან ერთად მყოფი ორი პირი“, - განაცხადა პროკურორმა.
30 იანვარს ოზურგეთის რაიონული სასამართლოს მოსამართლე ია ბარამიძემ არ დააკმაყოფილა პროკურატურის შუამდგომლობა და შარაშიძეს აღკვეთის ღონისძიების სახით საპატიმრო გირაო შეუფარდა.
დაკავების შემდეგ დავით შარაშიძე ჩოხატაურის საკრებულოს თავმჯდომარის თანამდებობიდან გადააყენეს. ამ პოსტს ის 2025 წლის 30 ოქტომბრიდან იკავებდა. 2021-2025 წლებში შარაშიძე ჩოხატაურის მუნიციპალიტეტის მერი იყო, 2017-2021 წლები კი საკრებულოს წევრი და ფრაქცია „ქართული ოცნება-დემოკრატიული საქართველოს“ თავმჯდომარის მოადგილე.
2 თებერვალს, სოციალურ ქსელ Facebook-ში გამოქვეყნებულ პოსტში დავით შარაშიძემ დაწერა, რომ სადაც არ უნდა იყოს, ყოველთვის იქნება „ქართული ოცნების“ ღირსეული ოჯახის წევრი“.
დავით შარაშიძეს ბრალი წარდგენული აქვს სისხლის სამართლის კოდექსის 126-ე მუხლის პირველი ნაწილის პრიმა მუხლის „ბ“ ქვეპუნქტით, რაც გულისხმობს ჯგუფურად ჩადენილ ცემას ან სხვაგვარ ძალადობას. დანაშაული ისჯება ჯარიმით ან საზოგადოებისათვის სასარგებლო შრომით ვადით ასოთხმოციდან ორასორმოც საათამდე ანდა თავისუფლების აღკვეთით ვადით ორ წლამდე, იარაღთან დაკავშირებული უფლებების შეზღუდვით ან უამისოდ.
