ბრიტანული დაბალბიუჯეტური ავიაკომპანია „იზიჯეტი“ (EasyJet) 2025 წლიდან საქართველოს ავიაბაზარზე შემოდის. პირველი ავიარეისი ჟენევიდან თბილისის მიმართულებით 31 მარტს შესრულდება. თბილისი-ჟენევის მიმართულებაზე ავიაკომპანია კვირაში ორჯერ იფრენს.
ახალი ამბები
მკითხველის რჩეული
- 1 „გამოვძებნით ძალას, რათა ბოდიში მოვიხადოთ“ - ივანიშვილი 2008 წლის ომზე
- 2 ვის მოვუხადოთ ბოდიში შინდისის გმირების ოჯახებმა? - გამოხმაურება ივანიშვილის განცხადებაზე
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 „ძლიერი საქართველოს“ საგარეჯოს ორგანიზაციის წევრს სასამართლომ გირაო შეუფარდა
- 5 რასაც ახლა საქართველოს ხელისუფლება აკეთებს, ეროვნული იდენტობის გაცნობიერებაა - ლავროვი
- 6 2025 წლიდან გიორგი მამარდაშვილი „ლივერპულის“ მეკარე გახდება
1-ელი აპრილიდან პირდაპირი ფრენები ლონდონისა ლუტონისა და მილანის მალპენსას აეროპორტების მიმართულებით, კვირაში ორ-ორი სიხშირით, დაიწყება. ავიაბილეთების შეძენა ავიაკომპანიის ვებგვერდზე - www.easyjet.com უკვე შესაძლებელია.
საქართველოს აეროპორტების გაერთიანების გენერალურმა დირექტორმა, ირაკლი ქარქაშაძემ განაცხადა, რომ ფრენები მოგზაურებისთვის საკმაოდ ხელმისაწვდომი იქნება.
„იმედი გვაქვს, რომ მგზავრთნაკადი და საერთაშორისო ვიზიტორების რაოდენობა დიდი ბრიტანეთიდან, შვეიცარიიდან და იტალიიდან სამომავლოდ მნიშვნელოვნად გაიზრდება“, -აღნიშნა ქარქაშაძემ.
გარდა ამისა, 2025 წლის 30 მარტიდან ლონდონი-თბილისი-ლონდონის მიმართულებით პირდაპირ რეგულარულ ფრენებს, კვირაში ოთხი სიხშირით, გაერთიანებული სამეფოს ფლაგმანი „ბრიტიშ ეარვეისი“ (British Airways) შეასრულებს.
