ლევან ზვიადაძე, რომელმაც თერჯოლაში ყოფილი ცოლი, 37 წლის თამილა ლილუაშვილი მოკლა, საავადმყოფოში დაიღუპა. ის ქუთაისის კლინიკაში სხეულის 70%-იანი დამწვრობით იყო მოთავსებული და მართვით სუნთქვაზე იმყოფებოდა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
მკვლელობა 24 ნოემბერს, საღამოს მოხდა. ორი შვილის დედას ყოფილმა ქმარმა სამუშაო ადგილზე, მაღაზიათა ქსელ „მაგნიტის“ ერთ-ერთ ფილიალში მიაკითხა და მოკლა. ქალი შველას ითხოვდა, თუმცა ჩაკეტილი კარის გაღება მაღაზიის თანამშრომლებმა ვერ შეძლეს. თამილა ლილუაშვილი ადგილზე დაიღუპა. შემთხვევის დროს ცეცხლი ლევან ზვიადაძესაც წაეკიდა. ის შოკურ მდგომარეობაში საავადმყოფოში გადაიყვანეს.
პოლიციამ საქმეზე გამოძიება სისხლის სამართლის 11 პრიმა - 109 მუხლით დაიწყო, რაც განსაკუთრებული სისასტიკით ოჯახის წევრის მიმართ ჩადენილ განზრახ მკვლელობას გულისხმობს. ზვიადაძეს ყოფილ ცოლთან კონფლიქტის გამო შემაკავებელი ორდერი ჰქონდა გამოწერილი. ის მეუღლისგან შერიგებას და მასთან თანაცხოვრებას ითხოვდა.
საქართველოში, 2022 წლის 10 თვეში 18 ქალი მოკლეს. ამავე პერიოდში 32 ქალის მოკვლა სცადეს. აქედან, ოჯახური დანაშაულის ნიშნით მკვლელობის მცდელობის 26 შემთხვევა იყო ჩადენილი. იანვარ-სექტემბერში, პოლიციამ ოჯახში ძალადობის შემთხვევებზე 6520 შემაკავებელი ორდერი გამოსცა.
2021 წელს 22 ქალი მოკლეს. 11 შემთხვევა ოჯახის წევრის მიერ იყო ჩადენილი, ხოლო 11 შემთხვევაში დანაშაულის ჩადენის სხვა მოტივი გამოიკვეთა. რეგისტრირებულია 31 ქალის მკვლელობის მცდელობის ფაქტი, საიდანაც 16 ოჯახური დანაშაულის ნიშნით იყო ჩადენილი, ხოლო 15 შემთხვევა - სხვა მოტივით. შსს-მ გასულ წელს 9376 შემაკავებელი ორდერი გამოსცა.
