ეროვნული ბანკის მიერ გამოქვეყნებული მონაცემების თანახმად, დღევანდელი, 14 თებერვლის, ვაჭრობის შედეგად, ლარი 42 ვალუტასთან გაუფასურდა. ეროვნული ვალუტა მხოლოდ სამხრეთ აფრიკულ რანდთან გამყარდა.
ახალი ამბები
მკითხველის რჩეული
- 1 ირაკლი ღარიბაშვილი მხნედაა, საზოგადოებისთვის გზავნილი არ დაუბარებია – ადვოკატი
- 2 შსს ოზურგეთში მომხდარზე: სუს-ის თანამშრომელმა იარაღი ამოიღო, მაგრამ არ გამოუყენებია
- 3 ზახაროვა: რუსეთის წყალობით საქართველო ეკონომიკის ზრდის რეკორდულ ტემპს აჩვენებს
- 4 ლავროვი: „3+3“ ფორმატში საქართველოსთვის კარი ღიაა
- 5 საპროცესო შეთანხმების შემდეგ ყოფილ პრემიერ-მინისტრ ღარიბაშვილს 5 წლით პატიმრობა შეეფარდა
- 6 მიხეილ ყაველაშვილმა ნათლისღებასთან დაკავშირებით 159 მსჯავრდებული შეიწყალა
ერთი აშშ დოლარის ოფიციალური ღირებულება 2.8362 ლარი გახდა. მაშინ, როდესაც დღეს არსებულიოფიციალური კურსი 2.8157 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 2.05 თეთრი შეადგინა. კომერციულ ბანკებში დოლარი 2.87 ლარი ღირს.
ევროს ოფიციალური კურსი 2.9687 ლარი გახდა, დღეს მოქმედი კურსი კი 2.9342 ლარი იყო. ევროს ცვლილებამ 3.45 თეთრი შეადგინა. კომერციულ ბანკებში ევროს ღირებულება 3.03 ლარია.
28 ნომბრიდან, მას შემდეგ, რაც „ქართულმა ოცნებამ“ ევროინტეგრაციის პროცესის შეჩერების შესახებ განაცხადა, ლარის კურსი მერყეობს. იანვრის ბოლოს დოლარის ოფიციალურმა ღირებულებამ 2.88 ლარს მიაღწია, ხოლო ევროს - 3 ლარს. მცირე გამყარების შემდეგ, მიმდინარე კვირაში ლარს კვლავ გაუფასურების ტენდენცია აქვს.
13 თებერვალს, ევროკავშირის პარლამენტმა 400 წევრის მხარდაჭერით, მიიღო რეზოლუცია, რომლითაც „ქართული ოცნების“ თვითგამოცხადებულ ხელისუფლებას არ აღიარებს. იმ პირებს შორის, რომელთა დასანქცირებასაც ევროპარლამენტი ითხოვს, ეროვნული ბანკის პრეზიდენტი ნათია თურნავაც არის.
