ესტონეთმა სანქცირებულთა სიას საქართველოს კიდევ 19 მოქალაქე დაამატა. საგარეო საქმეთა მინისტრ მარგუს ცაჰკნას ბრძანების საფუძველზე, ესტონეთში შესვლა აეკრძალათ „ქართული ოცნების“ პარლამენტის წევრებს, იუსტიციის მინისტრსა და გენერალურ პროკურორს, ასევე, მოსამართლეებსა და პროკურორებს, რომლებიც პროევროპულ აქციებზე დაკავებულთა და მზია ამაღლობელის საქმეებში ფიგურირებენ.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 3 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 4 ნათესავებმა თბილისში იპოვეს ჩეჩნეთიდან ოჯახში ძალადობას გამოქცეული ქალი და მისი წაყვანა სცადეს
- 5 სტრასბურგის სასამართლომ გამოაქვეყნა კითხვები მზია ამაღლობელის საქმეზე
- 6 ახობაძის ადვოკატი: ექსპერტმა დაადასტურა, რომ ნარკოტიკის შესაფუთ მასალაზე გადატანილი იყო ნერწყვი
„ეს პირები პირდაპირ თუ ირიბად არიან პასუხისმგებელნი მშვიდობიანი მომიტინგეების, ჟურნალისტებისა და ოპოზიციის წარმომადგენლების დევნაზე. საქართველოს ხელისუფლების მიერ გამოყენებული ძალადობა, პოლიტიზირებული სასამართლო პროცესები და მომიტინგეებისა და ოპოზიციური პოლიტიკოსების მიმართ არაპროპორციული სასჯელები ეწინააღმდეგება დემოკრატიის ძირითად ღირებულებებს და საქართველოს ევროკავშირის კანდიდატის სტატუსის პირობებს“, - განაცხადა ესტონეთის საგარეო საქმეთა მინისტრმა.
ესტონეთის მიერ დღეს, 18 ივლისს, სანქცირებულთა შორის არიან:
- ნინო გალუსტაშვილი - მოსამართლე;
- გიორგი გვარაკიძე - გენერალური პროკურორი;
- ალუდა ღუდუშაური - „ქართული ოცნების“ პარლამენტის დეპუტატი;
- ილია ინჯია - „ქართული ოცნების“ პარლამენტის დეპუტატი;
- ირაკლი ქადგიშვილი - „ქართული ოცნების“ პარლამენტის დეპუტატი;
- ანი ხუბეჯიშვილი - პროკურორი;
- მარიამ ლაშხი - „ქართული ოცნების“ პარლამენტის დეპუტატი;
- გურამ მაჭარაშვილი - „ქართული ოცნების“ პარლამენტის დეპუტატი;
- მარი მეშველიანი - პროკურორი;
- ვიქტორ მეტრეველი - მოსამართლე;
- ჯვებე ნაჭყებია - მოსამართლე;
- ნინო სახელაშვილი - მოსამართლე;
- პაატა სალია - „ქართული ოცნების“ მთავრობის იუსტიციის მინისტრი;
- თენგიზ შარმანაშვილი - „ქართული ოცნების“ პარლამენტის დეპუტატი;
- ირაკლი შვანგირაძე - მოსამართლე;
- სოზარ სუბარი -„ქართული ოცნების“ პარლამენტის დეპუტატი;
- ალექსანდრე ტაბატაძე - „ქართული ოცნების“ პარლამენტის დეპუტატი;
- სულხან თამაზაშვილი - აჭარის არალეგიტიმური მთავრობის თავმჯდომარე;
- ნათია თათიაშვილი - პროკურორი.
მარგუს ცაჰკნას თქმით, ესტონეთი გააგრძელებს საქართველოს სამოქალაქო საზოგადოების, დამოუკიდებელი მედიისა და ევროპული ინტეგრაციის მხარდაჭერას.
ესტონეთმა ქვეყანაში შესვლა უკვე 102 ქართველ მოქმედ თუ ყოფილ თანამდებობის პირს აუკრძალა.
