საქართველოს ეროვნული საფეხბურთო ნაკრები ევროპის ჩემპიონატზე გამართულ პირველ მატჩში თურქეთთან ანგარიშით 3:1 დამარცხდა.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 მოსკოვი მზადაა, რუსეთ-საქართველოს „ურთიერთობების ნორმალიზაცია“ გააგრძელოს
- 3 გომელაური, „ხარება“ და სხვა დასანქცირებული პოლიციელები ღირსების ორდენით დააჯილდოვეს
- 4 პატიმრის ადვოკატი: „სახის არცერთი ძვალი მთელი არ აქვს, ეს აღწერილი არაა და რატომ, გაუგებარია“
- 5 პოლიციის აკადემიის რექტორად სავარაუდო კორუფციაში მხილებული ლელა ჩიქოვანი დაინიშნა
- 6 თბილისის მერია „რიყის დოქებთან“ 16 წლის ბიჭის დაღუპვაზე პასუხისმგებლობას ირიდებს
პირველი გოლი 25-ე წუთზე თურქეთის ნაკრების წევრმა, მერტ მულდურმა გაიტანა. ანგარიში 32-ე წუთზე გათანაბრდა, როდესაც გიორგი ქოჩორაშვილის გადაცემის შემდეგ კარში გიორგი მიქაუტაძემ დაარტყა. პირველი ტაიმი ფრედ დასრულდა. მეორე ტაიმში საქართველოს კარში ორი გოლი თურქმა ფეხბურთელებმა, არდა გიულერმა და ერემ აქტურქოღლუმ გაიტანეს.
„წაგება სასიამოვნო არასდროს არის, თუმცა ქართული ფეხბურთი კარგი კუთხით წარმოვაჩინეთ. გოლის გატანის ბევრი შანსი გვქონდა. ალბათ იმდენივე, რამდენიც თურქეთს. თუმცა ეს ფეხბურთია, სადაც გამარჯვებული მხოლოდ ერთია. რა თქმა უნდა, უკმაყოფილოები ვართ შედეგით, თუმცა ვფიქრობ, რომ შეგვიძლია ვიამაყოთ ჩვენი თამაშით.
როდესაც ჩემპიონატი იწყება, რა თქმა უნდა ჯგუფიდან გასვლაზე ფიქრობ. ჩვენი უმთავრესი მიზანი კარგი თამაშის ჩვენებაა. სწორედ ასე ვითარდება გუნდი. რა თქმა უნდა, დარწმუნებული ვარ, შაბათს იგივე დონეზე ვითამაშებთ და მოუთმენლად ველი თამაშს“, - განაცხადა თამაშის დასრულების შემდეგ საქართველოს ნაკრების მთავარმა მწვრთნელმა, ვილი სანიოლმა.
მატჩი დორტმუნდში, „სიგნალ იდუნა პარკის“ სტადიონზე, ადგილობრივი დროით 18:00 საათზე, ძლიერი წვიმის ფონზე დაიწყო და დაძაბულად წარიმართა. აღსანიშნავია, რომ თამაშის დაწყებამდე საქართველოსა და თურქეთის გულშემატკივრებს შორის ჩხუბი მოხდა. დაპირისპირება სამართალდამცავებმა აღკვეთეს.
საქართველოს ნაკრები მომდევნო მატჩს 22 ივნისს ჩეხეთის წინააღმდეგ გამართავს, ხოლო 26 ივნისს პორტუგალიას დაუპირისპირდება.
