ევროკომისიის პრესსპიკერი: ტყუილია, რომ EU საქართველოს ოჯახური ღირებულებების გამო სჯის

„ყველა ბრალდება, თითქოს ევროკაშირი საქართველოს სჯის მისი ტრადიციული ოჯახური ღირებულებების გამო, უბრალოდ არ არის მართალი.  ევროკაშირი საქართველოს სუვერენიტეტის მტკიცე  მხარდამჭერია დასრულად უჭერს მხარს მის კულტურასა და იდენტობას. 

ადამიანის უფლებების დაცვა, ხელშეწყობას და განხორციელება ევროკავშირი-საქართველოს თანამშრომლობის საფუძველია. ეს ღირებულებები წარმოადგენს ვალდებულებებს, რომლებიც გაზიარებულია როგორც ევროკავშირის, ასევე საქართველოს მიერ.

ამ კონტექსტში ევროკავშირი მხარსუჭერს დემოკრატიულ რეფორმებს და ადამიანის ფუნდამენტური უფლებების დაცვას ყველასთვის, მათ შორის, დისკრიმინაციისგან დაცვას“, - განაცხადა ევროკომისიის პრესსპიკერმა „ევროსკოპის“ შეკითხვის პასუხად.

იმისთვის, რომ საქართველომ ევროკავშირთან უვიზო რეჟიმი შეინარჩუნოს, „ქართულმა ოცნებამ“ ევროკომისიის რვა რეკომენდაცია უნდა შეასრულოს.  მათ შორისაა დისკრიმინაციის აკრძალვისუზრუნველყოფა და დაცვა, ასევე, ფუნდამენტური უფლებების და თავისუფლებების შემზღუდავი იმკანონმდებლობების გაუქმება, რომლებიც არღვევს დისკრიმინაციის აკრძალვის პრინციპს დაეწინააღმდეგება ევროპულ და საერთაშორისო სტანდარტებს. კერძოდ, ევროკომისიის რეკომენდაციაა,გაუქმდეს კანონი „უცხოური გავლენის გამჭვირვალობის შესახებ“  - რუსული კანონი - და პაკეტი „ოჯახურიღირებულებებისა და არასრულწლოვანთა დაცვის შესახებ“.

„ქართული ოცნების“ ლიდერები ავრცელებენ დეზინფორმაციას, თითქოს, ევროკავშირი საქართველოსგან ერთნაირსქესიანთა ქორწინების დაკანონებას ითხოვს, „ოჯახური ღირებულებებისა და არასრულწლოვანთა დაცვის შესახებ“ კანონი კი „პრევენციული ზომაა“.

საქართველოს რეკომენდაციების შესრულების შესახებ ანგარიშის წარსადგენად ვადა 31 აგვისტოს ამოეწურა.