აჭარის განათლების სამინისტრომ ბათუმის მე-7 საჯარო სკოლის დირექტორი შორენა ქონიაძე თანამდებობიდან გაათავისუფლა. TV 25-მა გუშინ გაავრცელა ინფორმაცია, რომ ამ სკოლაში მსოფლიო სახელმწიფოების დროშებს შორის რუსეთის მიერ ოკუპირებული აფხაზეთის ე.წ. დროშაც იყო გაკრული.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
აჭარის განათლების მინისტრის მაია ხაჯიშვილის განმარტებით, სამინისტრომ საკითხი მოიკვლია და დირექტორის გათავისუფლების გადაწყვეტილება მიიღო.
„მოკვლევის შედეგად გამოიკვეთა, რომ სასწავლო რესურსების შერჩევის დროს კანონმდებლობა იყო დარღვეული. ისეთი სტიკერები განათავსეს, რომელიც მიუღებელია ჩვენი კანონმდებლობით, კონსტიტუციით. მნიშვნელოვანია სკოლის დირექცია და მთლიანად საგანმანათლებლო სივრცე მეტი პასუხუსმგებლობით მოეკიდოს სასწავლო რესურსების შერჩევას, იქნება ეს სახელმძღვანელო, დამატებითი რესურსი თუ სხვა, ვინაიდან ვსაუბრობთ ქვეყნის კანონმდებლობასა და ბავშვების მომავალზე. იმ გარემოებების გათვალისწინებით, რაც დადგინდა მოკვლევის შედეგად, სამინიტრომ მიიღო გადაწყვეტილება და დირექტორი დღესვე დატოვებს თანამდებობას“, - განაცხადა ხაჯიშვილმა.
ადგილობრივმა ტელეკომპანია TV25-მა გუშინ გაავრცელა ინფორმაცია, რომ ერთ-ერთმა მოსწავლემ სტენდზე გაკრული რუსეთის დროშა ჩამოხია, რის გამოც მას სასწავლო პროცესი დაატოვებინეს და სკოლაში მშობელი დაიბარეს. ტელეკომპანიამ მოგვიანებით დააზუსტა, რომ მოსწავლემ არა რუსეთის დროშა, არამედ აფხაზეთის „დროშა“ ჩამოხია, რომელიც ცალკე სახელმწიფოდ იყო წარმოდგენილი. სკოლის დირექტორის მოადგილეები ამას უარყოფენ და ამბობენ, რომ მოსწავლემ რუსეთის დროშა ჩამოხია. მათივე თქმით, მშობელი სკოლაში სასკოლი ინვენტარის დაზიანების გამო დაიბარეს.
