პარტიის „საქართველოსთვის“ წევრისა და პარლამენტის ყოფილი დეპუტატის, ლევან გოგიჩაიშვილის თქმით, მეტროს ვაგონში ათზე მეტი ადამიანი დაესხა თავს. შემთხვევა 23 ოქტომბერს, საღამოს, მეტროსადგურ „ტექნიკურ უნივერსიტეტში“ მოხდა.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 4 „ქართული ოცნების“ დე-ფაქტო მთავრობა არალეგიტიმურია - ჰელსინკის კომისია
- 5 სპეცრაზმი რუსთაველის გამზირზე აქციის მონაწილეებს არბევს
- 6 აქციაზე ტელეკომპანია „პირველის“ ჟურნალისტი მარიამ გაფრინდაშვილი დაშავდა
ოპოზიციონერი პოლიტიკოსის თქმით, მასზე თავდამსხმელებს „ქართული ოცნების“ დროშები ჰქონდათ და არაფხიზელ მდგომარეობაში იმყოფებოდნენ.
„მივდიოდი ტელევიზიაში, გამოვიყენე საჯარო ტრანსპორტი - მეტრო. შევედი ვაგონში, იქ ბევრი ადამიანი იყო, დროშები ეჭირათ ხელში და სავარაუდოდ, აქციიდან მოდიოდნენ. ამ მომენტში მეც აქციას ვუსმენდი და სანამ ყურსასმენები მქონდა, ამ ადამიანების ხმა არ მესმოდა. თუმცა ინტერნეტი, რომ გაწყდა, ვიღაცების ხმა გავიგე, რაღაცებს იძახდნენ, როცა მივტრიალდი - ვერ მიცანიო? ცოტა ახლოს მივედი, არასასიამოვნოდ გამოიყურებოდნენ ყველა, ალკოჰოლის მძაფრი სუნი ასდიოდათ.
ჩვეულებრივი „შპანა“ იყო. ერთ-ერთმა ჩემი ოჯახის წევრის მიმართ შეურაცხყოფა თქვა. ამას მოჰყვა ყველაფერი, რაც მოჰყვა. კარგი იქნება თუ ამ კადრებს ამოიღებენ და გაუშვებენ. ბევრნი იყვნენ. თავიდან მეგონა 10 კაცი, მაგრამ აღმოჩნდა, რომ ბევრად მეტნი იყვნენ. რაც შემეძლო ვიგერიებდი, ნამდვილად არ დამიკლია არც მე. აუცილებლად დავადგენ, ვინ არიან. გამორიცხულია ამ ზონდერებს ქვეყანა დავუთმოთ“, - თქვა გოგიჩაიშვილმა ტელეკომპანია „ფორმულასთან“ ინტერვიუში.
შინაგან საქმეთა სამინისტროში განაცხადეს, რომ მომხდარზე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.
