გარდამნის მუნიციპალიტეტში 1988 წელს დაბადებულმა მამაკაცმა, ფ.ა.-მ ცოლი მოკლა. შემთხვევა 5 თებერვალს მოხდა. შინაგან საქმეთა სამინისტროს ინფორმაციით, ფ.ა. პოლიციაში თავად გამოცხადდა და ჩადენილი დანაშაული აღიარა, რის შემდეგ ბრალდებულის სახით დააკავეს.
ახალი ამბები
მკითხველის რჩეული
- 1 6 წელზე ძველი მანქანების იმპორტი აღარ აიკრძალება - განბაჟების ტარიფი 6-ჯერ იზრდება
- 2 კობახიძე ეთნიკური ქართველებისთვის მოქალაქეობის მიღების გამარტივებას აანონსებს
- 3 მზია ამაღლობელის მესამე სარჩელი სტრასბურგში პოლიციის მხრიდან სასტიკ მოპყრობას ეხება
- 4 კობახიძე სტამბოლის კონვენციიდან შესაძლო გასვლაზე - მზად ვართ, ამ საკითხზე ვიმუშაოთ
- 5 მსოფლიო პატრიარქი ბართლომეოსი ილია II-ის დაკრძალვაზე ჩამოვა
- 6 საქართველო ევროპაში ბოლო ადგილზეა: პენსია ძირითადი ხარჯების მხოლოდ 22%-ს ფარავს
„გამოძიებით დადგინდა, რომ ბრალდებულმა გარდაბნის მუნიციპალიტეტში ცივი იარაღის გამოყენებით მრავლობითი ჭრილობა მიაყენა მეუღლეს - 2000 წელს დაბადებული მ.გ.-ს, რომელიც მიღებული დაზიანებებით შემთხვევის ადგილზე გარდაიცვალა“, - განაცხადეს შსს-ში.
პოლიციამ დანაშაულის ჩადენის იარაღი - დანა ნივთმტკიცებად ამოიღო.
საქმეზე გამოძიება სისხლის სამართლის კოდექსის 11 პრიმა 109-ე მუხლის „კ“ ქვეპუნქტით მიმდინარეობს, რაც ოჯახის წევრის მიმართ ჩადენილ განზრახ მკვლელობას გულისხმობს. დანაშაული 20 წლამდე ან უვადო თავისუფლების აღკვეთას ითვალისწინებს.
ბოლო პერიოდში ეს ქვემო ქართლში ფემიციდის მეორე შემთხვევაა. 27 იანვარს პოლიციამ დმანისის მუნიციპალიტეტის ერთ-ერთ სოფელში, 43 წლის ქალის განზრახ მკვლელობის ბრალდებით მისი ქმარი, 56 წლის მამაკაცი დააკავა. შსს-ს ცნობით, ბრალდებულმა მეუღლე ცივი იარაღის გამოყენებით დაჭრა.
