საქართველოში გერმანიის ელჩის, პეტერ ფიშერის ინფორმაციით, გერმანიის განათლებისა და კვლევის ფედერალურმა სამინისტრომ გერმანულ-ქართული სამეცნიერო თანამშრომლობის განვითარება შეაჩერა, რაც სტუდენტთა მობილობასაც მოიცავს.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 გომელაური, „ხარება“ და სხვა დასანქცირებული პოლიციელები ღირსების ორდენით დააჯილდოვეს
- 3 პატიმრის ადვოკატი: „სახის არცერთი ძვალი მთელი არ აქვს, ეს აღწერილი არაა და რატომ, გაუგებარია“
- 4 პოლიციის აკადემიის რექტორად სავარაუდო კორუფციაში მხილებული ლელა ჩიქოვანი დაინიშნა
- 5 მოიპოვებენ თუ არა საქართველოში ტაილანდელი ქალებისგან კვერცხუჯრედებს იძულებით
- 6 თბილისის მერია „რიყის დოქებთან“ 16 წლის ბიჭის დაღუპვაზე პასუხისმგებლობას ირიდებს
„გერმანიის განათლებისა და კვლევის სამინისტრომ შეაჩერა გერმანულ-ქართული სამეცნიერო თანამშრომლობის განვითარება, სტუდენტების მობილობის, კვლევისა და ევროკავშირის პროგრამებში საქართველოს მონაწილეობის ჩათვლით, საქართველოს მიერ აკადემიური თავისუფლების შეზღუდვისა და ევროკავშირში გაწევრიანების შეჩერების გამო.
ქართველებმა, რომლებიც გერმანულ უნივერსიტეტებში სწავლოდბნენ, ძირითადად გერმანული სტიპენდიებით, იციან დანაკარგის ფასი“, - წერს გერმანიის ელჩი პლატფორმა X-ზე.
მსგავსი გადაწყვეტილება, პიტერ ფიშერის თქმით, ჯერჯერობით არ შეხებია საქართველოს ამჟამინდელ დაფინანსებას, რომელიც თითქმის 1 მილიონ ევროს შეადგენს, ასევე, „გულუხვ სასტიპენდიო პროგრამებს“, მაგალითად, როგორიც გერმანიის აკადემიური გაცვლის სამსახურის (DAAD) სასტიპენდიო პროგრამაა.
„მაგრამ, სამწუხაროდ, გერმანია საქართველოსთან ურთიერთობის ყველა ასპექტის შემოწმებას და გადახედვას აწარმოებს“, - აღნიშნავს პეტერ ფიშერი.
