გორში, პოლიციელების მხრიდან სასტიკი ფიზიკური ძალადობის შემდეგ, დაზარალებული პაპუნა ლოცულაშვილი დააკავეს. ადვოკატის ინფორმაციით, დაკავებულს პოლიციელების მიმართ წინააღმდეგობის გაწევას ედავებიან, რაც 2-დან 6 წლამდე პატიმრობას ითვალისწინებს.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 3 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 4 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 5 მძღოლს, რომელმაც გორში ავარიით დედა-შვილი იმსხვერპლა, 225 ვიდეოჯარიმა ჰქონდა
- 6 „სააფთიაქო ნარკომანიის“ საქმეზე დააპატიმრეს ჯანდაცვის მინისტრის ყოფილი მოადგილე
განახლება - პროკურატურამ გორში ნაცემი პაპუნა ლოცულაშვილისთვის ბრალის წარდგენაზე უარი თქვა - ის გაათავისუფლეს
პაპუნა ლოცულაშვილი, რომელიც პოლიციელების ჯგუფური ძალადობის შედეგად დაშავდა, ამჟამად დროებითი მოთავსების იზოლატორშია გადაყვანილი. მას სისხლის სამართლის კოდექსის 353-ე მუხლით გათვალისწინებული ქმედების ჩადენაში ადანაშაულებენ. აღნიშნული მუხლი გულისხმობს პოლიციელისთვის წინააღმდეგობის გაწევას ან ძალადობას, რაც, ადვოკატის შეფასებით, აბსურდულია.
ადვოკატი ლაშა ტყეშელაძე მომხდარს „წამების მსხვერპლის დასჯას“ უწოდებს და აღნიშნავს, რომ პოლიციელები, რომლებიც მოქალაქეს ფიზიკურად გაუსწორდნენ, ამ დრომდე არ დაუკავებიათ.
„რომელი პოლიციელებიც ძალადობდნენ, მათ [დაზარალებული] გადაიყვანეს იზოლატორში. წამების მსხვერპლია და პოლიციელები ამ დრომდე არ არიან დაკავებული. ეს ადამიანი უდანაშაულოა, მასზე ძალადობდნენ, ეს კი არ უნდა დაეკავებინათ. ათამდე პოლიციელი ძალადობს, მუხლი უნდა შეიცვალოს და წამების მუხლით გაგრძელდეს გამოძიება“, - აცხადებს ადვოკატი ლაშა ტყეშელიაძე.
დღეს, გორში გავრცელებული კადრების შემდეგ, სადაც ჩანს, როგორ უსწორდებიან პოლიციელები ფიზიკურად ორ მოქალაქეს, საქართველოს პროკურატურამ გამოძიება სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით დაიწყო. ეს მუხლი პოლიციელების მხრიდან ძალადობით სამსახურებრივი უფლებამოსილების გადამეტებას გულისხმობს, რაც 5-დან 8 წლამდე პატიმრობას ითვალისწინებს.
