„ქართული ოცნების“ პარლამენტის მიერ გენერალურ პროკურორად დამტკიცებული, გიორგი გვარაკიძის განცხადებით, 72 წლის პედიატრი გიორგი ჩახუნაშვილი, რომელსაც 5-წლით პატიმრობა მიუსაჯეს, სააპელაციო სასამართლოში აღიარებითი ჩვენების მიცემისა და მონანიების შემთხვევაში, იმავე დღეს გათავისუფლდება.
ახალი ამბები
მკითხველის რჩეული
- 1 ნარკოტიკების ზედოზირებას თბილისში კიდევ 3 ახალგაზრდა ემსხვერპლა
- 2 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 3 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 4 გორში პოლიციელების მიერ ნაცემი პირი წინააღმდეგობის გაწევის ბრალდებით დააკავეს
- 5 პანკისში მალხაზ მაჩალიკაშვილის ავტომობილი დააზიანეს
- 6 გიგა ავალიანის საქმე: დემეტრე ჩიქოვანს 9 წელი და 9 თვე, ანი ნასყიდაშვილს 5 წელი და 3 თვე მიესაჯა
როგორც პროკურორმა ჟურნალისტებთან საუბრისას განმარტა, ვინაიდან ჩახუნაშვილმა დანაშაული არ აღიარა, სასამართლოს სხვა ალტერნატივა არ ჰქონდა და კანონით გათვალისწინებული სასჯელი შეუფარდა.
„ყველა იმ ბრალდებულ პირთან, რომლებმაც აღიარეს და მოინანიეს დანაშაული, გაფორმდა საპროცესო შეთანხმება. რაც შეეხება ჩახუნაშვილს, მან არ აღიარა დანაშაული, არ მოინანია და ამის გამო სასამართლოს უბრალოდ არ ჰქონდა სხვა შესაძლებლობა, ვინაიდან კონკრეტული მუხლი ითვალისწინებს თავისუფლების აღკვეთას და სხვა ალტერნატიული სასჯელი არ გააჩნია. ამიტომ, თავისთავად, მიესაჯა ის სასჯელი, რაც მიესაჯა.
თუკი ის მიიღებს გადაწყვეტილებას, აღიარებს იმ დანაშაულს, რაც ჩაიდინა და სააპელაციო სასამართლოში მოგვცემს აღიარებით ჩვენებას და მოინანიებს ჩადენილ დანაშაულს, ჩვენ შეგვიძლია ის იმ დღესვე გავათავისუფლოთ და მივუსაჯოთ პირობითი სასჯელი“, – განაცხადა გვარაკიძემ.
ცნობილი პედიატრი, პროფესორი გიორგი ჩახუნაშვილი 19 ივნისს, სასამართლოს სხდომათა დარბაზში დააკავეს. მოსამართლე გიორგი გელაშვილმა მას და კიდევ 6 პირს ე.წ. 4 ოქტომბრის საქმეზე 5-5 წლით თავისუფლების აღკვეთა მიუსაჯა.
პროკურატურა დაკავებულებს ჯგუფურ ძალადობაში მონაწილეობასა და სტრატეგიული და განსაკუთრებული მნიშვნელობის ობიექტების ხელში ჩაგდებისა და ბლოკირების მცდელობას ედავებოდა. გიორგი ჩახუნაშვილი წარდგენილ ბრალს კატეგორიულად არ აღიარებდა და აცხადებდა, რომ 2025 წლის 4 ოქტომბერს, ათონელის რეზიდენციასთან მიმდინარე მოვლენებისას ის მხოლოდ თავის პროფესიულ მოვალეობას ასრულებდა.
72 წლის ექიმი გლდანის ციხეში, საკარანტინო სივრცეში იმყოფება. მისი შვილის, კონსტანტინე ჩახუნაშვილის განცხადებით, კარანტინში არსებული მძიმე და სპეციფიკური პირობები (მცირე ფართობზე ბევრი ადამიანის ყოფნა, შეზღუდული კომუნიკაცია) 72 წლის კაცისთვის „შეიძლება წამებასაც გაუთანაბრდეს“. ოჯახი ითხოვს პატიმრის ჩვეულებრივ საკანში დროულად გადაყვანას, სადაც მას ექნება შესაძლებლობა, მიიღოს ტანსაცმელი და ინფორმაცია.
