„საპარლამენტო არჩევნების შემდგომ დღეებში ქართულმა სამოქალაქო საზოგადოებამ, პოლიტიკოსებმა და დამკვირვებლებმა წარმოადგინეს ნათელი მტკიცებულებები, რომ არჩევნების შედეგები არ ასახავს ქართველი ხალხის ნებას“, - აშშ-ის ჰელსინკის კომისია, რომელიც ეუთოს წევრ 57 ქვეყანაში ადამიანის უფლებათა დაცვის მონიტორინგს ახორციელებს, კიდევ ერთხელ გამოეხმაურა გასულ შაბათს საქართველოში ჩატარებულ საპარლამენტო არჩევნებს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
კომისიის განცხადებით, მესამე მხარეებისა და ადგილობრივი დამკვირვებლების მიერ შეგროვებული დამოუკიდებელი მონაცემები მიუთითებს დარღვევებზე - როგორც არჩევნებამდე, ისე არჩევნების დღეს - რამაც გავლენა იქონია შედეგების სამართლიანობაზე.
„საქართველოს პრეზიდენტმა ზურაბიშვილმა მკაფიოდ განაცხადა, რომ არჩევნების შედეგები გაყალბებულია, ხაზი გაუსვა რუსეთის დახვეწილ მცდელობებს, ჩარეულიყო არჩევნებში დასაქართველოს სამთავრობო ინსტიტუტებისთვის ძირი გამოეთხარა.
რამდენადაც პრეზიდენტი ზურაბიშვილი, ოპოზიციური პარტიები და სამოქალაქო საზოგადოება სახავენ გეგმას საარჩევნო პროცესისკენ, რომელიც ასახავს ქართველი ხალხის ნამდვილ ნებას, აშშ-მ და ევროკავშირმა უნდა მხარი დაუჭირონ მათ და გადადგან გადამწყვეტი ნაბიჯები, რათა დაეხმარონ ქართველებს დაიცვან თავიანთი დემოკრატია“, - წერს ჰელსინკის კომისია პლატფორმა X-ზე.
29 ოქტომბერს, აშშ-ის პრეზიდენტმა, ჯო ბაიდენმა საქართველოს მთავრობას მოუწოდა, გამჭვირვალედ გამოიძიოს ყველა საარჩევნო დარღვევა - განაცხადა, რომ საპარლამენტო არჩევნებზე დაფიქსირდა ადმინისტრაციული რესურსების ბოროტად გამოყენების არაერთი შემთხვევა, ასევე ამომრჩეველთა დაშინება და იძულება.
