დღეს, 24 თებერვალს, როდესაც ესტონეთი დამოუკიდებლობის დღეს აღნიშნავს, საქართველოში ესტონეთის ელჩი, მარგე მარდისალუ-კაჰარი „ქართული ოცნების“ საგარეო საქმეთა სამინისტროში განმარტების მისაცემად იყო დაბარებული.
ახალი ამბები
მკითხველის რჩეული
- 1 „სფერო ჰოლდინგის“ საქმეზე კიდევ ერთი პირი, სოფიკო პეტრიაშვილი დააკავეს
- 2 6 წელზე მეტი ასაკის ავტომობილების იმპორტი 1-ელი აპრილიდან აიკრძალება
- 3 ლავროვი: „3+3“ ფორმატში საქართველოსთვის კარი ღიაა
- 4 „ოცნება“ გრანტების კანონს კიდევ ამკაცრებს და 6 წლამდე პატიმრობა შემოაქვს
- 5 18 წლის ბიჭის მკვლელობისთვის ივანე გიგლემიანს უვადო პატიმრობა მიუსაჯეს
- 6 სუს-ის შენობასთან, მანქანაში, ანტიკორუფციული სააგენტოს თანამშრომლის ცხედარი იპოვეს
სამინისტროს მიერ გავრცელებული განცხადებიდან ირკვევა, რომ ელჩს, ილიას სახელმწიფო უნივერსიტეტის მხარდამჭერი განცხადების გამო, შიდა საქმეებში ჩარევას ედავებიან.
22 თებერვალს, ესტონეთის საელჩომ Facebook-ზე გამოაქვეყნა ილიაუნის რექტორის, ნინო დობორჯგინიძისა და ელჩის ფოტო, წარწერით - „ჩვენ ვდგავართ ილიას სახელმწიფო უნივერსიტეტის გვერდით“.
„საქართველოს საგარეო საქმეთა მინისტრის პირველ მოადგილესთან, გიორგი ზურაბაშვილთანგამართული შეხვედრის დროს ესტონეთის რესპუბლიკის ელჩს ეთხოვა განმარტება იმის თაობაზე,თუ რას ემსახურებოდა მისი ამგვარი ქმედება“, - ნათქვამია სამინისტროს განცხადებაში.
უწყების ცნობით, ზურაბაშვილმა „ხაზი გაუსვა, რომ ესტონეთის ელჩის ამგვარი განცხადებამიმართულია განათლების სფეროში მიმდინარე რეფორმის პოლიტიზირებისკენ, რაც მიუღებელია დაწარმოადგენს ქვეყნის შიდა საქმეებში ჩარევის მცდელობას“.
„ელჩს განემარტა, რომ საქართველოში მიმდინარე განათლების რეფორმით დაინტერესებისშემთხვევაში ესტონეთის მხარეს შესაძლებლობა აქვს, კონსულტაციები გამართოს საქართველოსგანათლების, მეცნიერებისა და ახალგაზრდობის სამინისტროში, სადაც ამის თაობაზე ამომწურავინფორმაციას მიიღებს“, - წერია „ქართული ოცნების“ საგარეო საქმეთა სამინისტროს მიერ გავრცელებულ განცხადებაში.
ესტონეთის საელჩოს შეხვედრის შესახებ ინფორმაცია არ გაუვრცელებია.
„ქართული ოცნების“ ხელისუფლებამ უმაღლესი განათლების რეფორმა წამოიწყო და სახელმწიფო უნივერსიტეტებში სტუდენტთა მიღების კვოტები „ერთი ქალაქი - ერთი ფაკულტეტის“ პრინციპით გაანაწილა. ილიას სახელმწიფო უნივერსიტეტს პროგრამების 90%-ს უუქმებენ და 2026-2027 სასწავლო წლისთვის, ბაკალავრიატის და მაგისტრატურის საფეხურებზე მხოლოდ 360 სტუდენტის მიღების უფლებას აძლევენ.
ამ თემაზე:
