ამერიკის შეერთებული შტატების პრეზიდენტმა, ჯო ბაიდენმა არჩევნებამდე ოთხი თვით ადრე დემოკრატიული პარტიის პრეზიდენობის კანდიდატობაზე უარი თქვა. გავრცელებულ განცხადებაში ბაიდენი წერს, რომ ამერიკელი ხალხის სამსახურში ყოფნა მისთვის უდიდესი პატივია და სურდა, ხელახლა ყოფილიყო არჩეული, თუმცა მიიჩნევს, რომ დემოკრატიული პარტიისა და ქვეყნის საუკეთესო ინტერესებშია, თუ კანდიდატურას მოხსნის.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
ბაიდენის თქმით, თავის ამ გადაწყვეტილებაზე დეტალურად მოგვიანებით, კვირის განმავლობაში ისაუბრებს.
„გადავწყვიტე არ მივიღო ნომინაცია და მთელი ჩემი ენერგია მივმართო ჩემი, როგორც პრეზიდენტის მოვალეობების შესრულებაზე, დარჩენილი ვადის განმავლობაში“, - მიმართავს ბაიდენი დემოკრატიული პარტიის წევრებს.
ბაიდენის თქმით, ის სრულად უჭერს მხარს პრეზიდენტობის კანდიდატად ვიცე-პრეზიდენტ კამალა ჰარისის დასახელებას „2020 წელს, ჩემი, როგორც პარტიის კანდიდატის პირველი გადაწყვეტილება იყო ვიცე-პრეზიდენტად კამალა ჰარისის არჩევა და ეს იყო საუკეთესო გადაწყვეტილება, რაც მივიღე. დემოკრატებო, დროა გავერთიანდეთ და დავამარცხოთ ტრამპი“, - აღნიშნავს ბაიდენი.
ჯო ბაიდენს კანდიდატურის მოხსნისკენ მხარდამჭერები და თანაპარტიელები აქტიურად მოუწოდებდნენ რესპუბლიკელების კანდიდატ დონალდ ტრამპთან დებატებში წარუმატებლობის შემდეგ. ბაიდენი ამტკიცებდა, რომ მარათონს არ გამოეთიშებოდა.
„ქვეყნის ისტორიაში ყველაზე ცუდი პრეზიდენტი“, - თქვა ტრამპმა ბაიდენის გადაწყვეტილების კომენტირებისას. ტელეკომპანია CNN-თან ინტერვიუში მან თქვა, რომ კამალა ჰარისთან გამარჯვება უფრო ადვილი იქნება, ვიდრე მოქმედ პრეზიდენტთან.
