უკრაინაში რუსეთის ომის დაწყების შემდეგ, ჩეჩნეთის ხელისუფლებამ ჩეჩენი მებრძოლებისთვის, რომლებიც „ახმატის“ რიგებში რუსეთის მხარეს იბრძვიან, ათას ერთეულზე მეტი სამხედრო ტექნიკა შეიძინა. ამის შესახებ რამზან კადიროვმა განაცხადა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
კადიროვის თქმით, ჩეჩნური ქვედანაყოფების მატერიალური-ტექნიკური აღჭურვა ერთ-ერთი პრიორიტეტია, რის გამოც სამხედრო ტექნიკას მუდმივად ყიდულობენ.
„სპეციალური სამხედრო ოპერაციის დაწყების შემდეგ ჩვენ შევიძინეთ ათასზე მეტი ერთეული სამხედრო ტექნიკა ჩვენი ჯარისკაცებისთვის, მათ შორის 128 ჯავშანმანქანა. ამრიგად, ჩვენ აღმოვფხვრათ „ახმატის“ ჩეჩნური ქვედანაყოფების სატრანსპორტო მომარაგების პრობლემა, რამაც საბოლოოდ გავლენა მოახდინა მათ მაღალ ეფექტურობაზე“, - აცხადებს კადიროვი.
ჩეჩნეთის მეთაურმა სოციალურ მედიაში ვიდეომასალაც გაავრცელა, სადაც რამდენიმე ათეული სამხედრო ტექნიკა ჩანს. კადიროვი ამბობს, რომ ამ ახალ პარტიაში, რომლის ხარისხიც სამშაბათს პირადად შეამოწმა, 100 ერთეული პიკაპი, ჯავშანტრანსპორტიორი, ჯავშანმანქანა და სატვირთო შედის.
„ჩვენ მზად ვართ დავიცვათ ბელგოროდი, ნებისმიერი სუსტი ადგილი. ჩვენ გვყავს სპეციალური პოლკები, რომლებმაც შესანიშნავად იციან ქალაქის პირობებში ბრძოლა, ასევე, გვყავს შესანიშნავი ბატალიონები, რომლებმაც იციან ტყიან მასივებში ბრძოლა. ჩვენს მებრძოლებს ჩრდილოეთ პოლუსამდეც შეუძლიათ ჩასვლა, თუ იქ მოწინააღმდეგეა. საზოგადოება უნდა გავერთიანდეთ იდეის, ჩვენი დიდებული, ბრძენი, შორსმჭვრეტელი პრეზიდენტის გარშემო“, - განაცხადა კადიროვმა.
რამზან კადიროვს არ დაუკონკრეტებია, რა სახსრებით იქნა შეძენილი აღნიშნული ტექნიკა.
