ჩეჩნეთის ლიდერმა რამზან კადიროვმა თავისი უფროსი ვაჟი, 20 წლის ახმატ კადიროვი, ვიცე-პრემიერის მოვალეობის შემსრულებლად დანიშნა. საკადრო ცვლილებების შესახებ უფროსმა კადიროვმა თავის Telegram არხზე დაწერა.
ახალი ამბები
მკითხველის რჩეული
- 1 სამხარაძე: არაბმა პარტნიორებმა ინვესტიციების წინააღმდეგ კამპანიაზე რეაგირება გვთხოვეს
- 2 აბასთუმნის თავზე ფრენა აიკრძალა - რატომ ჩაკეტა სახელმწიფომ ცა იქ, სადაც ივანიშვილი ცხოვრობს
- 3 უცხოეთში მყოფ წვევამდელებს ჯარში გაწვევისას საქართველოში დაბრუნება მოუწევთ
- 4 პოლონეთში 5 თვის ჩვილის გარდაცვალების საქმეზე ნუგზარ ქავთარაშვილს ეძებენ
- 5 მარნეულის მერის ძმა ბიზნესმენზე ჯგუფური თავდასხმის ბრალდებით დააკავეს
- 6 ირანის ელჩი: თუ რეგიონიდან იქნება ქმედება ჩვენ წინააღმდეგ, გვექნება რეაქცია
ახმატ კადიროვი შეინარჩუნებს ფიზიკური კულტურისა და სპორტის რეგიონული მინისტრის თანამდებობას, რომელიც მან 2024 წლის მაისში დაიკავა. მანამდე ის ჩეჩნეთის ახალგაზრდობის საქმეთა მინისტრი და საფეხბურთო კლუბ „ახმატის“ პრეზიდენტი იყო.
რამზან კადიროვის თქმით, მის შვილს მართვის მნიშვნელოვანი გამოცდილებ აქვს, ღრმად ესმის მისი ზედამხედველობის ქვეშ არსებული სფეროების სპეციფიკა და დაამტკიცა, რომ პასუხისმგებლიანი და ეფექტური ლიდერია.
დამოუკიდებელი რუსი ჟურნალისტების გამოცემა „პროექტი“ წერს, რომ მთავრობასთან დაკავშირებულ თანამდებობებზე, რამზან კადიროვის სულ მცირე 96 ნათესავი მუშაობდა ან მუშაობს, მათ შორის 7 მისი შვილია. რამზან კადიროვის მეორე ვაჟი, ზელიმხანი, 2024 წელს ჩეჩნეთის საბრძოლო კლუბ „ახმატისა“ და ჩეჩნეთის კრივის ფედერაციის ხელმძღვანელი გახდა, ხოლო მესამე ვაჟი, ადამი, 2025 წელს რესპუბლიკის უშიშროების საბჭოს მდივნად დაინიშნა.
2024 წელს რესპუბლიკის კრივის ფედერაციის პრეზიდენტი და სპორტული კლუბ „ახმატის“ გენერალური დირექტორი რამზან კადიროვის კიდევ ერთი ვაჟი ალი კადიროვი გახდა.
რამზან კადიროვის უფროსი ქალიშვილი, აიშათი, 2023 წელს, 25 წლის ასაკში სოციალურ საკითხებში რესპუბლიკის ვიცე-პრემიერი გახდა, ხოლო მეორე ქალიშვილმა, ხადიჟატმა, 2024 წლის თებერვალში, 24 წლის ასაკში, ჩეჩნეთის მეთაურის და მთავრობის ადმინისტრაციის უფროსის პირველი მოადგილის პოსტი დაიკავა. კადიროვის კიდევ ერთი ქალიშვილი, 23 წლის ხუთმატი ჩეჩნეთის რესპუბლიკის მეთაურის სამდივნოს უფროსის მოადგილე და რეგიონული ჯანდაცვის სექტორის კურატორია.
ოფიციალურად რამზან კადიროვს 14 შვილი ჰყავს. ბოლო წლებში მედიაში ვრცელდება ინფორმაცია, რომ ჩეჩნეთის მოქმედი ლიდერე მძიმედ ავადაა. თავად კადიროვი ჯანმრთელობის რაიმე პრობლემის არსებობას უარყოფს.
