აშშ-ის თავდაცვის სადაზვერვო სააგენტომ (DIA) გამოაქვეყნა გლობალური უსაფრთხოების გარემოს შეფასება, რომელშიც საქართველოსა და სომხეთში რუსეთის გლობალურ გავლენებზეა საუბარი.
ახალი ამბები
მკითხველის რჩეული
- 1 გორში პოლიციელების მიერ ნაცემი პირი წინააღმდეგობის გაწევის ბრალდებით დააკავეს
- 2 გიგა ავალიანის საქმე: დემეტრე ჩიქოვანს 9 წელი და 9 თვე, ანი ნასყიდაშვილს 5 წელი და 3 თვე მიესაჯა
- 3 პროკურატურამ გორში ნაცემი პაპუნა ლოცულაშვილისთვის ბრალის წარდგენაზე უარი თქვა
- 4 6 პოლიციელი დააკავეს გორში მოქალაქეებზე ძალადობის ბრალდებით
- 5 „ყველა სცემდა, ვინც მოვიდა“ - გორში პოლიციელებმა მოქალაქეები სასტიკად სცემეს
- 6 „პოლიციელს ქვით დაუზიანა ჯანმრთელობა“ – შს მინისტრის მოადგილე გორში ძალადობაზე
„რუსეთს თითქმის უეჭველად აქვს გამიზნული საქართველოს საკუთარი გავლენის სფეროში დაბრუნება.
ოქტომბრის საპარლამენტო არჩევნებიდან მოყოლებული, „ქართული ოცნების“ მთავრობამ შექმნა ისეთი გარემო, რომელიც რუსეთს ქვეყანაში გავლენის გაზრდის საშუალებას აძლევს“, - წერია ანგარიშში.
რაც შეეხება სომხეთს, ანგარიშის თანახმად, „რუსეთ-სომხეთის ურთიერთობები გასულ წელს გაუარესდა, რადგან სომხეთი კოლექტიური უსაფრთხოების ხელშეკრულების ორგანიზაციიდან გასვლით იმუქრებოდა. რუსეთმა კი საინფორმაციო ოპერაციები გამოიყენა სომხეთის დემოკრატიისა და მისი უფრო პროდასავლური ხელმძღვანელობის დისკრედიტაციისთვის.“
ანგარიში, რუსეთიდან მომდინარე საფრთხეების გარდა, ეხება ჩინეთის, ირანის (და მისი არაპირდაპირი ძალების), ჩრდილოეთ კორეისა და სხვა ქვეყნებიდან მომდინარე საფრთხეებს.
„ეს არის სრული სისულელე, რა გავლენის გაზრდაზეა საუბარი? ასეთი სისულელეები რომ ხვდება ასეთ მნიშვნელოვან დოკუმენტებში, სწორედ ეს მიუთითებს „დიდ სთეითის“ გავლენაზე“, - ასე გამოეხმაურა „ქართული ოცნების“ პრემიერ-მინისტრი ირაკლი კობახიძე აშშ-ის თავდაცვის სადაზვერვო სააგენტოს ანგარიშში საქართველოს შესახებ შეფასებას.
