საქართველოს თავდაცვის ყოფილი მინისტრისა და ტელეკომპანია „ფორმულას“ დამფუძნებლის, დავით კეზერაშვილის განცხადებით, ბრიტანეთის სამაუწყებლო კორპორაციას (BBC) სასამართლო დავა მოუგო და მის შესახებ მომზადებული საგამოძიებო მასალა ყველა პლატფორმიდან წაიშალა.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 ასლან ბჟანიამ ოკუპირებული აფხაზეთის ტერიტორია დატოვა
- 4 შევეცდებით ხარვეზი აღმოვფხვრათ - მდინარაძე პრეზიდენტობის კანდიდატის დასახელებაზე
- 5 დღეს ვინც შევა პარლამენტში, შევა რუსეთში - ზურაბიშვილი
- 6 პუტინის თქმით, საქართველოს ხელისუფლების სიმამაცით გაკვირვებულია
„ტელეკომპანია BBC-მ, ჩემ მიერ წარმოებული სასამართლო დავის შედეგად, ყველა თავისი პლატფორმიდან გაიხმო ე.წ. საგამოძიებო სიუჟეტები, სტატია თუ სხვა მასალა, რითაც დასრულდა თითქმის ორწლიანი ე.წ. „ბიბისის“ ცილისწამებასთან დაკავშირებული პროცესი, რამაც ფაქტობრივად დადასტურდა, რომ გამოთქმული ბრალდებები წარმოადგენდა უმძიმეს ცილისწამებას ჩემი მისამართით.
სასამართლოსთვის მომზადებული ყველა მასალა, აუდირებული ანგარიშები, თუ იურიდიული და საკონსულტაციო კომპანიების მომზადებული ანგარიშები, ცალსახად და არაერთგვაროვნად აჩვენებს, რომ ბრალდება იმის თაობაზე, თითქოს შესაძლოა, ვსარგებლობდე რაიმე ტიპის უკანონო შემოსავლით, სრული სიცრუეა, ხოლო საქართველოს ხელისუფლების მიერ ჩემ წინააღმდეგ აგორებული შემდგომი კამპანიაც, ქართული საზოგადოების და საერთაშორისო მეგობრების სიცრუეში შეყვანას ისახავდა მიზნად.
ამას საქართველოს გარეთ ჩატარებული სხვა სასამართლო პროცესების შედეგებიც ადასტურებს. „ქართული ოცნების“ ყველა მსგავსი კამპანია სასამართლოებმა ან ადამიანის უფლების უხეშ დარღვევად (2024 წლის ე.წ. სტრასბურგის სასამართლოს გადაწყვეტილება) ან პოლიტიკურ დევნად შეაფასეს (საფრანგეთისა და დიდი ბრიტანეთის სასამართლოების გადაწყვეტილებები)“, - წერს დავით კეზერაშვილი სოციალურ ქსელ Facebook-ში.
კეზერაშვილის ინფორმაციით, BBC-მ აიღო ვალდებულება, რომ მომავალში არ დაუბრუნდება „ცილისმწამებლური ინფორმაციის გავრცელებას“ და სარჩელთან დაკავშირებულ ყველა იურიდიულ ხარჯს აუნაზღაურებს.
2023 წლის აპრილში BBC-მ გამოაქვეყნა ჟურნალისტური გამოძიება, რომლის თანახმად, საქართველოს თავდაცვის ყოფილი მინისტრი გლობალური თაღლითური ქსელის უკან მდგომი ერთ-ერთი ბიზნესმენი იყო. სტატიის მიხედვით, ჟურნალისტებმა გამოავლინეს Milton Group-თან დაკავშირებული კომპანიები, რომლებიც პოტენციურ მსხვერპლებს ტელეფონით უკავშირდებოდნენ და დანაზოგის ინვესტირებას სთავაზობდნენ. მასალის მიხედვით, თაღლითურმა ქსელმა რიგითი ადამიანები მილიარდ დოლარზე მეტით გაძარცვა. Milton Group-ს BBC კეზერაშვილს უკავშირდებოდა. სტატიაში ნათქვამი იყო, რომ მას ეკუთვნოდა კიევში მდებარე საოფისე შენობა, რომელშიც თაღლითური ქოლცენტრი იყო განთავსებული. აღნიშნული მასალა BBC-ის ვებგვერდზე დღეისთვის მიუწვდომელია.
