დასავლეთ საქართველოდან თბილისის მიმართულებით მატარებლების მოძრაობა შეჩერებულია. ამის მიზეზი ხარაგაულის მუნიციპალიტეტში, სოფელ ბაბის მიმდებარედ ძლიერი წვიმის შედეგად ლიანდაგების დატბორვა და მიწის ჩამოშლა გახდა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
საქართველოს რკინიგზის განცხადებით, ზუსტი პროგნოზის გაკეთება, თუ როდის აღდგება მოძრაობა, ამ ეტაპზე შეუძლებელია.
„ძვირფასო მგზავრებო, დასავლეთში არსებული ძლიერი წვიმის გამო, სოფელ ბაბის მიმდებარედ, სანიაღვრე ჭებიდან გადმოსულმა უხვმა რაოდენობის წყალმა ლიანდაგები დატბორა. ასევე გამოიწვია ლიანდაგების მიმდებარედ ნიადაგის ჩამოშლა. ორივე მიმართულებით მოძრაობა გაჩერებულია. კერძოდ, შეჩერებულია ზუგდიდი-თბილისისა და ბათუმი-თბილისის მიმართულებით მოძრავი მატარებლები“, - აღნიშნულია საქართველოს რკინიგზის მიერ გავრცელებულ განცხადებაში.
როგორც კომპანიაში აცხადებენ, სამუშაო ძალის მაქსიმალური მობილიზება განახორციელეს და გაწმენდა/აღდგენითი სამუშაოები მიმდინარეობს.
გარემოს ეროვნული სააგენტოს ინფორმაციით, 1-ელი ივლისის დილამდე საქართველოში მოსალოდნელია წვიმა (ზოგან ძლიერი) და ელჭექი, აღმოსავლეთ საქართველოში - სეტყვა. 30 ივნისს და 1-ელ ივლისს იქროლებს დასავლეთის მიმართულების ძლიერი ქარი, ზღვაზე პროგნოზირებულია 4-ბალიანი შტორმი. სააგენტო მოსახლეობას აფრთხილებს, რომ მოსალოდნელმა ძლიერმა წვიმებმა პატარა მდინარეებზე შესაძლოა წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს.
