კობახიძის თქმით, პარტიების აკრძალვის შესახებ კონსტიტუციური სარჩელი „ერთ და ორ პარტიას“ არ შეეხება

„სრულ სიას იხიალვთ თქვენ იმ დღეს, როდესაც შევა ოფიციალურად სარჩელი. პრინციპი არის შემდეგი - პირველი, ვინც 2012 წლამდე იყო სისხლიანი რეჟიმის წარმომადგენელი, რა თქმა უნდა, მათზე აუცილებლად გავრცელდება სარჩელი და რაც შეეხება 2012 წლის შემდგომ პერიოდს, ვინც ამ სისხლიან პოლიტიკურ ძალასთან ერთად მონაწილეობდა ქვეყნის წინააღმდეგ გამუდმებულ საბოტაჟში, რა თქმა უნდა, ყველას შეეხება ეს საკონსტიტუციო სარჩელი. დანარჩენზე გადაწყვეტილებას მიიღებს საკონსტიტუციო სასამართლო. ეს არ გავრცელდება მხოლოდ ერთ და ორ პარტიაზე“, – განაცხადა ირაკლი კობახიძემ.

პარალელურად, „ქართულმა ოცნებამ“ დააინიცირა და დაჩქარებული წესით განიხილავს საკანონმდებლო ცვლილებათა პაკეტს, რომლის მიღების შემთხვევაში, საკონსტიტუციო სასამართლოს მიერ აკრძალულ პოლიტიკურ პარტიასთან დაკავშირებულ პირს, ფაქტობრივად, პოლიტიკაში ყოფნაც აეკრძალება. კერძოდ, ასეთი პირი ვერ შეძლებს სხვა პოლიტიკური პარტიის დაფუძნებას, პარტიაში გაწევრიანებას და მის დაფინანსებას, ასევე, შეეზღუდება პასიური საარჩევნო უფლება. 

„აქ საუბარია ადამიანებზე, რომლებსაც შეიძლება არ ჰქონდათ პარტიული სტატუსი, მაგრამ პირდაპირ იყვნენ დაკავშირებული შესაბამის პარტიებთან, მათ შორის, შეიძლება დაკავშირებული იყვნენ 9-წლიან რეჟიმთან და ა.შ. ასეთი კატეგორიის ადამიანები იგულისხმება ამ ჩანაწერში“, – აღნიშნა კობახიძემ.

ამ თემაზე:

კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“