ევროპარლამენტის საგარეო ურთიერთობათა კომიტეტის თავმჯდომარემ, დევიდ მაკალისტერმა, სამხრეთ კავკასიასთან ურთიერთობის დელეგაციის თავმჯდომარემ, მარინა კალიურანდმა და საქართველოს საკითხებზე მუდმივმა მომხსენებელმა, სვენ მიქსერმა ე.წ. „უცხოეთის აგენტების“ შესახებ რუსული კანონი მიღების გამო ევროკავშირი-საქართველოს ურთიერთობების, მათ შორის, პოლიტიკური და ფინანსური მხარდაჭერის გადახედვა მოითხოვეს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
ევროპარლამენტარების წერილში ნათქვამია, რომ ეს კანონი გამოიწვევს განხეთქილებას საქართველოს შიგნით, კიდევ უფრო დააზარალებს ქვეყნის საერთაშორისო მდგომარეობას და ევროპულ მომავალს.
„ვწუხვართ საქართველოს პარლამენტის მიერ „უცხოეთის აგენტების კანონის“ მიღების გამო. დიდად იმედგაცრუებულნი ვართ, რომ მმართველმა უმრავლესობამ უგულებელყო ადამიანის უფლებადამცველთა და საერთაშორისო პარტნიორების, მათ შორის, ევროკავშირისა და აშშ-ის შეშფოთება. ჩვენ მოვუწოდებთ საქართველოს ხელისუფლებას, გააუქმოს კანონი მანამ, სანამ ის უფრო ღრმა განხეთქილებას გამოიწვევს საქართველოს შიგნით და კიდევ უფრო მეტ საფრთხეს შეუქმნის ქვეყნის საერთაშორისო მდგომარეობას და მის ევროპულ მომავალს.
ვადასტურებთ ჩვენს სრულ სოლიდარობას ქართველი ხალხსადმი, რომელიც იცავს დემოკრატიულ ღირებულებებს და დემონსტრაციებს მართავს თავისი ქვეყნის ევროატლანტიკური მომავლისთვის.
მთავრობამ დაუყოვნებლივ უნდა მოახდინოს დეესკალაცია კანონის მოწინააღმდეგე მშვიდობიანი მომიტინგეების, ოპოზიციური პოლიტიკოსების, არასამთავრობო ორგანიზაციებისა და დამოუკიდებელი მედიის წინააღმდეგ ძალის შემდგომი გამოყენებისგან თავის შეკავებით. აქციის მონაწილეების მიმართ ნებისმიერი ძალადობა ან მუდმივი დაშინება არის მშვიდობიანი პროტესტის უფლების დარღვევა და შესაბამისად, მიუღებელია.
სამოქალაქო საზოგადოებისა და მედიის თავისუფლებისთვის მეგობრული გარემოს შექმნა არის ნებისმიერი დემოკრატიის საფუძველი და ევროკავშირში გაწევრიანებისთვის გადამწყვეტი მოთხოვნა.
ჩვენ მოვუწოდებთ საბჭოს და ევროკომისიას, გადახედონ ევროკავშირსა და საქართველოს ურთიერთობებს, მათ შორის ჩვენს პოლიტიკურ და ფინანსურ მხარდაჭერას ქვეყნისთვის. მოვუწოდებთ კომისიას დაუყონებლივ ზეპირად შეაფასოს, თუ როგორ იმოქმედებს უცხოეთის აგენტების კანონი საქართველოს ევროკავშირში გაწევრიანების პროცესზე, როგორც ეს უკვე შემოთავაზებულია 12 საგარეო საქმეთა მინისტრის მიერ“, - ნათქვამია განცხადებაში.
10 მაისს ევროკავშირის 12 ქვეყნის საგარეო საქმეთა მინისტრებმა ევროკომისიის ვიცე-პრეზიდენტს, საგარეო პოლიტიკისა და უსაფრთხოების საკითხებში ევროკავშირის უმაღლეს წარმომადგენელს, ჯოზეფ ბორელსა და სამეზობლო პოლიტიკისა და გაფართოების საკითხებში ევროკომისარს, ოლივერ ვარჰეის წერილი გაუგზავნეს. ჩეხეთის, დანიის, ესტონეთის, ფინეთის, საფრანგეთის, გერმანიის, ირლანდიის, ლატვიის, ლიეტუვის, ნიდერლანდების, პოლონეთისა და შვედეთის საგარეო საქმეთა მინისტრები ითხოვენ ზეპირი შეფასების წარმოდგენას იმის შესახებ, თუ რა გავლენას მოახდენს რუსული კანონი საქართველოს მიერ 9 ნაბიჯის შესრულებაზე.
„ქართულმა ოცნებამ“ რუსული კანონი 14 მაისის პლენარულ სხდომაზე მესამე და საბოლოო მოსმენით მიიღო. მას მხარი 84-მა დეპუტატმა დაუჭირა. ოპოზიციის წარმომადგენლები ამ კანონის მიღებას სახელმწიფოს ღალატსა და კონსტიტუციურ გადატრიალებას უწოდებენ.
პრეზიდენტმა სალომე ზურაბიშვილმა თქვა, რომ რუსულ კანონს ვეტოს დაადებს. ამისათვის მას ორკვირიანი ვადა აქვს, 28 მაისამდე. „ქართულ ოცნებას“ პრეზიდენტის ვეტოს დაძლევა შეუძლია.
