Եվրոպական խորհրդարանի արտաքին հարաբերությունների հանձնաժողովի նախագահ Դեյվիդ Մքալիսթերը, Հարավային Կովկասի հետ հարաբերությունների պատվիրակության նախագահ Մարինա Կալիուրանդը և Վրաստանի հարցերով մշտական զեկուցող Սվեն Միքսերը այսպես կոչված «օտարերկրյա գործակալների» մասին ռուսական օրենքի ընդունման պատճառով պահանջում են վերանայել ԵՄ-Վրաստան հարաբերությունները՝ ներառյալ քաղաքական ու ֆինանսական աջակցությունը։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
Եվրոպացի պատգամավորների նամակում նշվում է, որ այս օրենքը պառակտումներ կառաջացնի Վրաստանի ներսում, ավելի կվնասի երկրի միջազգային կարգավիճակին և եվրոպական ապագային։
«Մենք ցավում ենք Վրաստանի խորհրդարանի կողմից «օտարերկրյա գործակալների մասին օրենքի» ընդունման համար։ Մենք խորապես հիասթափված ենք, որ իշխող մեծամասնությունը անտեսել է իրավապաշտպանների և միջազգային գործընկերների, այդ թվում՝ ԵՄ-ի և ԱՄՆ-ի մտահոգությունները։ Կոչ ենք անում Վրաստանի իշխանություններին չեղարկել օրենքը՝ քանի դեռ այն ավելի խորը պառակտումներ չի առաջացրել Վրաստանի ներսում և հետագայում չի սպառնա երկրի միջազգային վարկանիշին և նրա եվրոպական ապագային։
Մենք հաստատում ենք մեր լիակատար համերաշխությունը վրաց ժողովրդին, ով պաշտպանում է ժողովրդավարական արժեքները և ցույց է անցկացնում իր երկրի եվրաատլանտյան ապագայի համար։
Կառավարությունը պետք է անհապաղ թուլացնի լարվածությունը՝ ձեռնպահ մնալով խաղաղ ցուցարարների, ընդդիմադիր քաղաքական գործիչների, հասարակական կազմակերպությունների և անկախ լրատվամիջոցների նկատմամբ ուժի հետագա կիրառումից։ Ցուցարարների նկատմամբ ցանկացած բռնություն կամ մշտական ահաբեկում խաղաղ ցույցի իրավունքի խախտում է և, հետևաբար, անընդունելի։
Քաղաքացիական հասարակության և լրատվամիջոցների ազատության համար բարեկամական միջավայրի ստեղծումը ցանկացած ժողովրդավարության հիմքն է և ԵՄ-ին անդամակցելու կարևոր պահանջը:
Մենք կոչ ենք անում Խորհրդին և Եվրոպական հանձնաժողովին վերանայել ԵՄ-Վրաստան հարաբերությունները, ներառյալ մեր քաղաքական և ֆինանսական աջակցությունը երկրին: Մենք Հանձնաժողովին կոչ ենք անում անհապաղ բանավոր գնահատել, թե ինչպես կանդրադառնա «օտարերկրյա գործակալների մասին» օրենքը Վրաստանի՝ ԵՄ-ին անդամակցելու գործընթացի վրա, ինչպես արդեն առաջարկվել է 12 արտգործնախարարների կողմից», - ասվում է հայտարարության մեջ:
Մայիսի 10-ին ԵՄ 12 երկրների արտգործնախարարները նամակ են հղել Եվրահանձնաժողովի փոխնախագահ, Եվրամիության արտաքին գործերի և անվտանգության հարցերով բարձր ներկայացուցիչ Ժոզեֆ Բորելին և Եվրոպական հարևանության քաղաքականության և ընդլայնման հարցերով հանձնակատար Օլիվերի Վարհեին։ Չեխիայի, Դանիայի, Էստոնիայի, Ֆինլանդիայի, Ֆրանսիայի, Գերմանիայի, Իռլանդիայի, Լատվիայի, Լիտվայի, Նիդերլանդների, Լեհաստանի և Շվեդիայի արտգործնախարարները պահանջում են բանավոր գնահատական տալ, թե ինչպես կազդի ռուսական օրենքը Վրաստանի կողմից 9 քայլերի իրականացման վրա։
Վրաստանի խորհրդարանը մայիսի 14-ի լիագումար նիստում 84 կողմ, 30 դեմ ձայներով վերջնական ընդունեց ռուսական օրենքը։ Բացի «Վրացական երազանքից» և «Ժողովրդի ուժից», օրենքի օգտին քվեարկել են նաև «Եվրոպացի սոցիալիստների» երկու անդամները։ Ընդդիմության ներկայացուցիչներն այս օրենքի ընդունումը որակում են որպես պետության դավաճանություն և սահմանադրական հեղաշրջում։ Նրանց գնահատմամբ՝ օրենքին սատարող բոլոր 84 պատգամավորները վտանգ են ներկայացնում Եվրամիության հետ առանց վիզայի ճանապարհորդության և եվրաինտեգրման գործընթացի համար։
Նախագահ Սալոմե Զուրաբիշվիլին հայտարարել է, որ վետո կդնի ռուսական օրենքի վրա։ Դրա համար նա երկշաբաթյա ժամկետ ունի՝ մինչև մայիսի 28-ը։ «Վրացական երազանքը» կարող է հաղթահարել նախագահի վետոն։